Page 18 - AWEMAINTA
P. 18
18 AWEMainta Diabierna, 24 November 2017
Derecho di mucha y bienestar di hoben na
Aruba mester keda topiconan di atencion
SEGUN sra. Jennifer Arends-Reyes, recientemente ta-
bata dia internacional di derecho di mucha y ta un bon
oportunidad pa para keto un rato y refleha ariba con leu
Aruba a yega cu cumplimento di e derechonan di mucha.
Dia 6 di februari 1995, Reino Hulandes a ratifica e trat-
ado internacional aki.
Durante gobernacion di AVP a pone hopi mas enfasis
ariba bienestar di nos muchanan y hobennan den reino
y e ta un tema cu lo keda halto ariba agenda.
Proyectonan manera: Traimerdia, pa skolnan basico, y
Nos Atardi, pa skolnan secundario, ley di Crèche, cu fal-
ta implementacion y un inspector encarga cu esaki.
Tambe AVP a pidi pa sondea, por ehempel, e posibili-
dad pa wak ki espacio lo tin pa un deduccion fiscal pa
doñonan di trabou cu ta contribui cu e pago di crèche.
Tambe proyectonan manera ‘Dreamers’ mester conose
continuacion.
Sra Arends-Reyes ta spera cu e bienestar di muchanan y
hobenan tambe keda halto ariba e agenda di e Gobierno
nobo.
Durante campaña a tende hopi promesa y ta spera cu
nan materialisa tambe.
Segun e partidonan cu awe ta forma Gobierno, scol mes-
ter ta completamente gratis, y esey ta inclui airco tambe.
Scolnan lo mester por keda habri pa ofrece actividadnan
extra curicular y a bisa publicamente cu nan pensamento
lo ta pa aumenta e BBO pa yega na esaki, siendo cu Go-
bierno di AVP tabatin diferente otro forma pa logra esaki
sin cu lo mester aumenta impuesto.
Ta di remarca cu e Gobierno nobo no a opta pa tin un
Ministerio specifico cu ta encarga cu Hubentud, sien-
do cu internacionalmente di parti Nacionan Uni tin
derechonan di hobennan.
Na Hulanda e ta un tema cu hobenan a haya legislacion y
cambionan grandi den nan beneficio y pa nan bienestar.
Sra Arends-Reyes mes den e Parlamento anterior a pre-
senta diferente mocion cu a conta cu sosten unanime
tanto na beneficio di muchanan, hobenan y hobenan
profesional, y ta laga sa di continua cu e enfoke aki.
