Page 4 - AWEMAINTA
P. 4
4 AWEMainta Diabierna, 24 November 2017
Minister Chris Romero a bishita DTZ
Despues di 8 aña ta prome
biaha cu e departamento
aki a topa cu un Minister
MINISTER di Telecomunicacion, Transporte y Sector Primario,
sr. Chris Romero, ta continua cu su ronde di bishita na e departa-
mentonan cu ta cay bou di su maneho.
E biaha aki, Departamento di Telecomunicacion tabata na beurt pa
ricibi e mandatario.
Aki, Minister Romero a wordo ricibi pa sr. Ludwig Jansen, Director
di DTZ, kende a duna e mandatario un recorido den e departamento.
E reunion a bay den un ambiente sumamente ameno. Sr. Ludwig
Jansen a trece su preocupacionnan y deseonan pa cu e departamento
na atencion di e mandatario.
Tin inversionnan cu ta necesario pa modernisa DTZ, pa asina e por
funciona mas efectivamente.
Sa mas di Ecotech Minister Chris Romero ta di opinion cu mester haci tur lo posibel
pa haci e inversionnan rekeri den DTZ. E ta un departamento di un
primi aki gran importancia awendia, como cu e mundo di telecomunicacion ta
keda evoluciona y e departamento mester keda actualisa pa cu esaki.
“Telecomunicacion awendia no ta manera 10, 20 of 30 aña pasa.
Awendia e ser humano ta depende den gran parti di telecomuni-
cacion. Companianan di tur tipo y di tur servicio ta depende di
telecomunicacion riba nan base diario. Telecomunicacion ta aporta
grandemente na nos economia y como tal, e departamento di DTZ
mester keda actualisa pa por brinda un mihor servicio na nos comu-
nidad.”
Algo cu a cay como un sorpresa pa Minister Chris Romero, ta ora cu
el a wordo comunica cu despues di 8 aña, esaki ta e prome biaha cu
DTZ ta haya bishita di un mandatario.
Minister Romero a compromete su mes di mantene un contacto reg-
ular cu DTZ pa asina keda na altura di e desaroyonan di e departa-
mento.
E mandatario encarga cu e cartera di Telecomunicacion a keda bas-
tante satisfecho cu e prome bishita aki. El a haya informacionnan
importante cu lo yud’e na hiba un miho maneho di e Ministerio aki.
