Page 15 - vos oct 12

AWEMainta Dialuna, 12 Oktober 2015 23

Federacion di Biyar,

FEBIAR ta anuncia
su schedule final
di e aña 2015

DESPUES di un pauze cortico, Federacion di Biyar Arubano, FEBIAR ta cla pa start cu nan schedule pa loke t’e

final di e temporada di biyar di e aña 2015.
Den e dos lunanan tras di lomba algun di nos top hungadonan di biyar tabata activo den entre otro torneo inter-
nacional renombra na nos hermana isla di Corsou como tambe n’e Pan Americano di biyar cu e tuma lugar na
Buenos Aires, Argentina.
Den e siman benidero e campeonato lo reanuda y lo sigui te cu den e di tres siman di november.

Na comienso di december lo haci entrega di e premionan final. E prome parti di e campe-
onato di FEBIAR a bay bon, e diferente torneonan a conoce diferente ganador.
Atletanan manera Gunnar Leonardo, Campeon ABC 2015, Richard Wolff, Campeon
Nacional 8 y 9 ball, Ditto Acosta, Campeon Nacional 10 ball y Ryan Rampersaud
Campeon na Corsou ta hungadornan cu sigur mester bay tene bon cuenta
cu nan den e di dos parti di e campeonato.

E schedule final lo ta como lo siguiente: October 13-15: Pro
Team semi final Barracuda vs Steelers 2 & Predators vs
Steelers 1; October 18: APT A #9, APT B#7; October
20-21 Pro Team final; November 8: APT A#10,
APT B#8; November 12-14: Eight 8 Ball Team
semi final Barracuda vs Steelers & Predators
vs Classic; November 19-21: Eight 8 Ball
Team final.
December 5: Entrega di Premios.