Page 22 - MIN.VOS

24 AWEMainta Diasabra, 29 April 2017

Seleccion di gymnasia lo competi den e
Caribbean Gymnastics Championship na Barbados

FEDERACION Gymnastico Arubano a prepara

pa un otro compromiso internacional final di e luna
aki n’e isla Caribense di Barbados.
E seleccion di gymnasia di Aruba a ricibi un invitacion
pa participa n’e Caribbean Gymnastics Champion-
ship, un competencia supervisa pa UPAG.
Mester bisa cu e delegacion di Aruba lo consisti di
6 atleta femenino desde 11 aña y mayor mientras lo
biaha 1 coach.
E siguiente atletanan di gymnasia lo competi na
Barbados, esakinan ta Sanne van Dam, Amika Every,
Jesmea Jansen, Ashley Provence, Rebecca Spellen
y Kim de Vries. Tur e atletanan ta di e club CGA
Avanse.
Aña pasa Federacion Gymnastico Arubano a bira
oficialmente miembro di Comite Olimpico Arubano
y asina e soño a inicia pa un dia por representa Aruba
den weganan grandi den nos region y continente
como tambe Weganan Olimpico.
Den 2016, e atletanan di gymnasia a haci un tre-
mendo papel y e resultadonan ta papia pa su mes.
Den e competencianan internacional nos atletanan a
luci unda na Trinidad & Tobago a logra un cantidad
di 16 medaya di 4 di Oro, na Panama a logra un total
di 22 medaya di cual 6 tabata di Oro y por ultimo na
Puerto Rico nos atletanan di gymnasia ta conkista un
total di 23 medaya di cual 9 tabata di Oro.
Mirando e resultadonan obteni no tin duda cu e
deporte di gymnasia ta riba e bon caminda.