Page 34 - FDLP
P. 34
MetaCorp a participa den KLM Aruba Marathon
June 6, 2018
ORANJESTAD, Aruba – 6 di Juni 2018: E aña aki pa prome biaha MetaCorp a participa den e “KLM Aruba
Marathon”. Tabatin diferente distancia cu coredonan por a scoge pa participa. MetaCorp tabata feliz di no
solamente participa den e evento, pero tambe cu nan compania Brouwerij Nacional Balashi tabata un di e
sponsornan. Eddie de Veer a duna inicio na e salida di e caminata di 5KM y 10KM.
Mayoria di empleado a participa den e 5K y e Chill 10K Walk & Run. Entre e atleta nan di MetaCorp cu a
participa na distancia nan mas largo tin Mr. Richard de Veer, Acting Managing Director di ATCO Concrete
Products cu a participa den e 42.2KM. Pa empleadonan cu participa bou di MetaFit tabata tin premio pa e
10KM, categoria damas 1e luga: Sue Jeen Celaire – Atco Concrete Products, 2e lugar: Melissa Pizzorni – Atco
Aruba, 3e luga: Emelien Kelly – MetaCorp.
Categoria cabayero 1e luga: Carlos Gumbs – New York Laundry, 2e luga: Anthony Mac Jannet – Atco
Concrete Products, 3e luga: Jovanny Romero – Tropical Bottling Co. Cu apoyo di demas empleado nan y di e
publico para na banda, a celebra cu participante nan di MetaFit a completa nan race.
E participacion den KLM Aruba Marathon ta parti di e MetaFit Challenge cu lo culmina cu e di 8 edicion di
MetaFit Walk & Run dia 1 di Juli 2018, cuminsando na Parke Cultura. Pa por a track con leu cada participante
tabata, e empleadonan di MetaCorp por a haci uzo di nan mesun app. Asina e participantenan por sigui mehora
nan tempo.
