Page 32 - UTILITIES

E tipo di diskushonnan aki no ta solushoná e problema.

Diálogo riba posibel solushonnan ta muchu mas produktivo y ta duna muestra di vishon y kontenido
di e problemátiko real. Hasiendo esaki, en bes di kada bes keda wak atras, nos ta yega muchu mas

lihé na resultadonan positivo. Komo organisashon responsabel pa konsumidonan, Unkobon no
solamente kier kritiká kada bes loke ta bai malu sino tambe aportá pa yega ku posibel solushonnan pa
e futuro serkano.

Kiko en realidat mester ta e punta di salida?

Produkshon di awa y elektrisidat por ta muchu mas barata ku loke ta e kaso aktualmente na Boneiru.
Tin awendia sufisiente ehèmpel konkreto di e posibilidatnan aki. No tin obstákulo tèkniko mas. Pa
tur e problemanan tékniko ku ta wòrdu tresé dilanti, mashá ten esakinan a wòrdu solushoná.

Hustamente ku e desaroyonan rápido riba tereno di tèknologia tin e posibilidat pa apliká
solushonnan real y duradero.

A bira tempu pa superá e atraso aki na Boneiru

Riba tereno di suministrashon di koriente duradero, Boneiru ta kana atras den komparashon ku e otro
islanan. Awó a yega e momentu pa buta man na obra pa esaki wòrdu realisá y no pa drenta atrobe
den diskushon pa “kon ta bai hasi’é”. Si Boneiru kuminsá aworaki ku e método di produkshon pa

energia duradero nos por rekohé pro aktivo e reto aki y asina realisá pa henter e komunidat di
Boneiru algu positivo.

Awa y koriente ta e promé nesesidatnan di bida pa tantu e habitantenan komo pa e empresanan.

Komo tal e nesesidatnan básiko aki ta responsabilidat di un y tur. Di e habitante- y empresanan por
wòrdu sperá tambe ku lo bin un señal den e direkshon aki.

Solushon duradero na Saba y Statia

Riba nos islanan ruman, Saba y Statia, a realisá un kambio den produkshon di koriente hasiendo uso

di PV panelnan solar. A instalá un kantidat grandi di panelnan solar riba e dos islanan aki ku bateria
komo “back up” y otro instalashonnan tèkniko.

E invershon aki ta perkurá ku durante dia (8 té 19 or) e panelnan ta suministrá e energia nesesario.

Despues di 19.00’or ta sende e generatornan di diesel ku durante anochi ta suministrá e koriente