Page 2 - AWEMAINTA

2 AWEMainta Diaranson, 1 Augustus 2018

Grant Thornton ta expande su presencia global den e region Caribense

AWE Grant Thornton ta oficialisa su red
global den e region Hulandes Caribense cu
oficinanan na Aruba, Curaçao, Bonaire y St
Maarten.

Un cobertura total den nos region cu ta
inclui Saba, Sint Eustatius y Surinam.
E oficina di Grant Thornton na Aruba
lo wordo dirigi dor di e partnernan Edsel
Lopez y Hans Ruiter.

E expansion aki ta fortalece e presencia
solido di Grant Thornton den Caribe,
cu ya tin 13 oficina caba den e region. E
region Hulandes Caribense ta un mercado
importante strategicamente mirando e
lasonan comercial cu Estados Unidos, pero
tambe e lasonan fuerte cu Hulanda, haciendo
e region aki e mercado di consumidor mas
grandi di Europa.

Di e forma aki e compania cu anteriormente
tabata PwC Dutch Caribbean lo bira e
compania di mas grandi den Caribe pa
Grant Thornton. Grant Thornton Dutch
Caribbean ta consisti di 5 partner y un staff
di 160 hende reparti entre 4 oficina. Nan
ta conoci pa tin un bon reputacion como
lider den e mercado Hulandes Caribense,
ofreciendo un variedad di servicio na
clientenan den diferente sector.

Homber di edad a cay na su cas y ta haya un kap serio na cabes

Diamars algo pasa di
4’or di atardi polis ta
wordo manda na un cas
na Moko, pa motibo
cu un homber lo a bula
for di un auto cu tabata
coriendo, a cay y tabata
herida. Na yegada polis a
bin compronde cu esaki
no tabata e caso.

N’e sitio Polis a topa cu
un homber di edad,cu
basta golpi na su cabes, e
homber a splica Polis cu
el a bay habri un porta,
a cay for di un trapie y a
dal su cabes basta bon.

E agentenan n’e sitio
mesora a pidi ambulance
cu urgencia. Na yegada
di ambulance el a wordo
hiba den ambulance pa
nan trate y lo a evalua si
nan lo bay cune hospital.