Page 9 - PATRICK

AWEMainta Diaranson, 06 April 2016 13

Parlamentario mr. Xiomara Maduro:

Mester
investiga
Minister
Oduber su
envolvimento
den e negoshi
cu e logo di
Pais Aruba

AWOR cu a bin un disputa entre Minister Oduber

y e periodista Speed Andrade, pueblo a haya e
oportunidad unico di tende pregunta skerpi di e
periodista den direccion di e mandatario. Sinembargo
e contestanan duna pa Minister Oduber ta pone
nos saca e conclucion cu e chens ta grandi cu tin
practicanan a tuma lugar cu no ta cuadra cu bon
gobernacion.

Cumpliendo cu nos trabou Parlamentario, fraccion
di MEP a manda 25 pregunta na Minister Oduber
p’asina e mandatario duna un mihor splicacion
di locual e mes a declara den e disputa aki. Pero
mirando e embergadura di locual e periodista Speed
Andrade ta cuestiona, ta na su lugar pa Ministerio
Publico tambe recibi e preguntanan aki p’asina nan
por tene esaki den consideracion na momento di
haci un investigacion na e iregularidadnan cu ta
implica e mandatario. Pasobra for di tur e guera entre
Minister Oduber y e periodista Speed ta bira bisto cu e
mandatario muy probablemente di un manera directo
of indirecto lo ta benificiando su mes of esnan hopi
serca di dje di e negoshi cu e logo di nos Pais.

P’e bienestar di nos pais nos ta di opinion cu
Ministerio Publico mester investiga Minister Oduber
su envolvimento den e negoshi cu e logo di Pais Aruba.
E señal mester wordo manda pa mandatarionan
actual y esnan di futuro, cu practicanan na unda
cu un Minister ta abusa di su pocicion pa beneficia
su mes of esnan hopi serca di dje na un manera
directo of indirecto no ta aceptabel y ta contra e bon
gobernacion di un pais.
Nos ta spera cu Ministerio Publico lo por yega n’e
decicion y e informacion necesario p’asina haci un
investigacion pa pone un paro na practicanan cu
ta haci asina hopi daño na democracia di nos pais,
Xiomara Ruiz Maduro a conclui.