Page 17 - Awemainta

AWEMainta Dialuna, 4 Januari 2016 17

E prome di 2016

Tiramento
cu morto

WILLEMSTAD - Diadomingo 3 di janüari alrededor
di 00.45’or, Central di Polis a dirigí algun unidad di
Rio Canario y Otrabanda pa Helmin Magno Wiels
Boulevard na altura di Moontjeweg, pa un caso di
tiramento.

For di investigacion preliminar a sali na cla
cu probablemente tabatin un persecucion

entre dos vehículo cu a cuminsa riba
Moontjeweg.

Durante di e persecucion aki, ocupantenan di un
vehículo lo mester a los varios tiro dirigí riba un auto
di famia.
Riba Helmin Magno Wiels Boulevard, e auto di famia
den cual tabatin 6 ocupante, di cual un pareha y 4
menor di edad, a bin dal contra di vangrail y para.
Tanto e hòmber, chòfer di e vehículo como e dama
y 2 menor di edad, a ricibí heridanan di bala y a
keda transporta cu urgencia pa policlinica pa ricibí
tratamento médico.
Dos otro menor a sali ileso for di e incidente aki.

Alrededro di mitar di 6 or di mainta a
drenta noticia na Central di Polis cu e dama
ocupante Janishairah Jano naci na Hulanda
dia 1 di maart 1989 (26 aña) a bin fayecé a
consecuencia di e heridanan cu el a sufri.

Den e auto, Polis a bin topa un arma di candela cu a
keda confiscá.
Investigashon den e caso aki ta continuá. Polis ta
suplicá tur persona cu por tin informacion tocante di
e caso aki, pa tuma contacto cu Polis na 917 of e liña
anonimo 108.