Page 27 - MIN.VOS

18 AWEMainta Diasabra, 28 October 2017

Competencia di auto Matchbox y

Hot Wheels na Fast Tracks Mini Drag

DIASABRA 4 di november, lo bay tin un evento spe-
cialmente pa nos muchanan, n’e facilidad di Fast Tracks
Mini Drag.
Ariba peticion di varios mayor, cu tempo nan tabata
chikito a yega di participa na caredanan di Matchbox y Hot
Wheels, a dicidi di tene un evento p’asina duna e muchanan
un chens pa bin pusta cu nan autonan Hot Wheels.

E evento aki lo ta pa Matchbox Beginners, pues muchanan
entre 6 y 12 aña, y tur e autonan mester ta stock (pues
manera nan a bin for di fabrica) y mester pisa 75 gram of
menos.
Kier pone enfasis cu e competencia aki ta p’e muchanan
have fun pustando contra otro, pues nan mester ta presente
pa inscribi y tambe durante di e careda pa hiba y busca
nan mesun autonan.

Inscripcion y roadtest lo tuma lugar diabierna 3 di no-
vember, di 6’or di atardi pa 9’or di anochi, na pista di Fast
Tracks mes (cual ta keda na Weg Fontein poco prome cu
yega Palo Marga) y ta costa 5 florin pa un team di 4 auto,
y cada mucha por inscribi un maximo di 2 team riba su
nomber.

Caredanan mes lo ta diasabra 4 di november cuminsando
pa 6’or di atardi y si caba tempran lo tin oportinidad p’e
mayornan core personal challenges contra otro, despues di
e careda di e muchanan.
Tambe despues di e caredanan lo bay tin un sorpresa pa
asina yama e temporada di Pasco y Fin di Aña bon bini.
Pa mas informacion por bay rib’e pagina di Facebook di
Fast Tracks, cual ta facebook.com/arubaminidrag.
Tambe por yama of manda message na tel: 742-7000.