Page 36 - AM250127

36 COMUNIDAD AWEMainta Dialuna, 27 Januari 2025

Dos militar di Corsou promovi como officier

RIBA diabierna, 24 di januari, dos militar di Corsou,
Luitenant Koster y Luitenant Carmelia, a wordo promovi
como officier. Un logro special.

E ultimo biaha cu un militar di Corsou a keda promovi
como officier, tabata na 2021, e tempo ey tabata e actual
Comandante di CURMIL, Capitan Meulens.

Entrenamento pa bira officier
Luitenant Carmelia y Luitenant Koster a cuminsa na
september 2023 cu e Curso Practico pa officier di Marina na
Hulanda.

Eynan nan a finalisa e prome dos fasenan. Na cuminsam-
ento di 2024 nan a bolbe bek na Corsou pa sigui e Curso
Practico pa bira officier di CURMIL/Milicia di Corsou. E curso

aki a keda revisa, pa prepara officiernan pa nan tareanan, no
solamente riba conocemento teoretico, pero specialmente
esun practico.

Bou di guia di Centro di Formacion Carib/Opleiding Centrum
Carib y CURMIL, e dos militarnan a keda intensivamente

getest riba habilidadnan tactico, etica y nan habilidad pa
lidera bou di diferente circunstancia. N'e momentonan aki
un militar di Aruba ta participando n'e Curso pa officier na

Hulanda.

Profecionalisacion di militarnan di Caribe
E promocionnan di Luitenant Koster y Luitenant Carmelia ta

aporta n’e profesionalisacion di e militarnan di Caribe, cual
ta consistí tanto di e militarnan di Corsou como di Aruba. En
total aworaki tin cinco officier di Corsou.

Luitenant Koster ya tin mas cu 7 aña di experiencia dentro
di CURMIL. Su deseo ta pa implementa su conocemento y
experiencia pa desaroya CURMIL y di haci esaki un unidad
di calidad halto y profesional.

Luitenant Carmelia a cuminsa cu su carera militar na 2021 y
durante e ultimo añanan no solamente a desaroya su habi-
lidadnan di liderazgo, pero tambe un ambision evidente

pa sigui studia riba tereno di administracion di negoshi of
maneho di logistica.