Page 34 - ECEM

Aruba Tourism Authority cu orguyo ta sigui promove nos
isla den Mercado Hulandes

Wednesday, 08 March 2017 18:18
Comparti

E fotografo renoba, Raymond Rutting, ta riba nos isla cu famoso cantante, Marco Borsato, pa un
‘photography masterclass’ workshop. No solamente nan ta capturando e esencia di Aruba, sino lo
comparti cada paso di nan workshop -for di e momento cu nan a sali di Hulanda te cu ora nan bolbe
bek- cu henter mundo riba nan rednan social.

Esaki ta ricibiendo bon acohida bou di fans di Marco Borsato y Raymond Rutting y varios medionan
na Hulanda ya caba a pasa cobertura tocante e trip aki. E cobertura lo sigui unda ambos personahe
lo aparece despues di e biahe den entre otro un "latenight show" renombra na Hulanda, RTL Late
Night cu Humberto Tan, cu porsierto tambe a yega di tin un exibicion di Aruba. Aki nan lo comparti
nan bunita experiencia y imahennan di nos dushi isla. Continuando cu e cobertura, e aña aki lo tene
un exposicion unda lo expone e trabao haci na Aruba. A.T.A. a prepara un programa extenso
incluyendo diferente actividad di nos dushi Carnaval. Ta un honor pa tin un fotografo renoba
manera Raymond Rutting y un personahe famoso manera Marco Borsato embarcando riba un
projecto bunita asina di nos isla. CEO di A.T.A., Ronella Tjin Asjoe- Croes, a topa cu Raymond y
Marco pa asina comparti mas informacion tocante nos dushi isla y alabes gradicinan pa nan bishita
riba nos isla. Nos minister President tambe tabata tin un encuentro cu Raymond y Marco, unda a
intercambia pensamentonan di nos dushi isla. Raymond Rutting Raymond Rutting ta un fotografo
Hulandes renobra cu a traha varios aña pa e agencia di prensa mas grandi di Hulanda, Alegemeen
Nederlands Persbureau (ANP), pero tambe pa e famoso Volkskrant. Durante su carera, Raymond a
cubri e famia real pero tambe zonanan di conflicto pa Volkskrant. Desde 2013 Raymond ta traha
como fotorgrafo independiente unda su trabow a wordo publica entre otro den The Guardian, the
New York Times, Time Magazine, Stern y National Geographic. Pa su trabow exelente, Raymond a
gana varios premiacion y por cierto a ricibi den 2005 e condecoracion real di Officier in de Orde van
Oranje-Nassau.

Na Aruba Raymond ta conoci pa su trabow ‘ 30 cara di Aruba’ cu e la haci conhuntamente cu Aruba
Tourism Authority pa cu e celebracion di e di 30 aniversario di nos status Aparte. Durante un bishita
na Aruba, Raymond a saca potret di diferente persona riba nos isla cu ta representa e diferente
caranan di Aruba y a compila un bunita exibicion bow di e nomber ‘De gezichten van Aruba, 30 jaar
Status Aparte.’ Aruba Tourism Authority a logra reserva un espacio na Museum Hilversum pa seis
siman pa e exhibicion impactante aki. Hilversum ta conoci como e centro di medionan di
comunicacion y produccionnan di Hulanda, pero tambe pa ta den un di e regionnan mas afluente di
Hulanda. Marco Borsato Marco Borsato ta un cantante conoci na Hulanda cu a logra di tin varios
hits na radio durante e añanan, cuminsando cu su prome na 1994, Dromen zijn bedrog. Den e
delaster añanan e ta tambe ta conoci como un di e huradonan riba the Voice of Holland y the Voice
kids. Ademas, e casa cu Leontine Borsato cu ta un famoso actriz y personahe di television na
Hulanda. Banda di su carera como cantante Marco Borsato tin un passion pa fotografia. E passion
aki e la comparti varios biaha cu su fanaticonan y tambe a competi banda di otro figuranan conoci na
Hulanda den programa di television ‘Het perfecte plaatje.’ Durante un intrevista pa cu e programa
‘Het perfecte plaatje,’ Marco a indica di ta facina pa saca personahenan paso “Iedereen heeft zijn
eigen verhaal, zijn eigen levenslessen, daar kun je zo veel uit halen. Ik leg dat graag vast.” Awo Marco
ta interesa pa hiba su passion na un nivel mas halto y pa e motibo aki ta sigui un ‘photography
masterclass’ cu Raymond Rutting riba nos dushi isla. Mirando cu Raymond Rutting a caba di