Page 21 - AVP

Un biaha mas, LaSorte ta bisa, introduccion di e impuesto aki y den e forma cu e ta

wordo haci (na ultimo ora y sin consulta) ta un ehempel di un impuesto cu no tabatin

notificacion ni dialogo anteriormente. No tabatin transparencia. “Nos ta haya sa di dje

ultimo ora, via prensa. Un impuesto cu lo mester bay na vigor aki 2 siman,

aparentemente,” Lasorte a bisa den un forma visibelmente disgusta.

E hecho cu Gobierno ta haci esaki ta pone cu un biaha mas AHATA ta bati alarma pa

señala cu no mester pone medida so pero Gobierno mester pasa basora den nan mesun

seno tambe, y ta spera cu Goberno ta corta den su gastonan tambe. “Aworaki ta sigui

agrega impuesto pero sin corta gasto.”

Den un publicacion e siman aki, 24ora.com a menciona cu ta e intencion pa e siman aki,

net prome cu Parlamento baha cu vakantie, Gobierno ta presentando cambionan fiscal

tras di otro. Tin por lo menos dos cu a bira publico, un ta e aumento di deviezenprovisie y

e otro ta trata extra documentacion ora di raporta winstbelasting. E ultimo no lo trece

niun aumento di impuesto cun’e, sino e obligacion di presenta extra documentacion pa cu

prijsnan di transferencia basa ariba palabracionnan internacional na cual Aruba tambe a
compromete su mes.

Download [20.92 KB]

E otro ta aumento di e porcentahe di deviezenprovisie. Esaki ta un tipo di comision pa

caha di Gobierno momento cu un ciudadano (“ingezetene”) ta haci un pago of

transaccion for di su cuenta bancario sea na florin of un otro valuta. E ley aki lo por

afecta companianan cu ta manda ganashi genera na Aruba, pa otro companianan, kisas

nan compania madre (holding) den exterior. Ta trata aki di companianan cu ta rekeri un

permiso di Banco Central pa haci dicho transaccion, por ehempel hotelnan of