Page 28 - AVP

Hende ta nace den circulo diferente y ta bishita school caminda educacion ta resulta
den formacion personal pero tambe e prome contactonan pafo di e bida familiar.

Esaki a nifica cu un persona ta desaroya su gusto personal, loke ta haci posibel pa e

bay participa na e circulo pa cual el a lucha of den cual el a nace.

E ingredientenan personal y e ambicion personal pa por a parti di e circulo social
internacional na su diferente nivel, ta bira decisivo pa e hotel, e pais, e servicio pa cual

un hende ta scoge.

Ora papia di e turista cu e poder di compra mas halto, pues di e clase cu ta gasta mas
placa pa vacacion, ta mira un inclinacion pa e mundo mas primitivo of e mundo mas

exclusivo.

E mundo cu ta keda meymey di e dos clasenan aki, mester ta sumamente cuidadoso cu
loke e ta ofrece ora e ta stipula prijs.

Pa conoce turismo y diseña plannan pa turista, e miho experto ta e persona cu conoce e
anhelo di e turista y por entrega e turista e ambiente confortabel, siguridad cu el a
custumbra na cas of di otro banda e mundo di aventura cu ta haci posibel pa e bay

mustra su capacidad extraordinario.

Un turista ta paga un prijs sumamente halto pa un boter di champagne di su marca
faborito. Pero e boter di champagne y e forma cu ta presenta e boter, ta basha e

champagne, mescos cu e ambiente mester honra e deseo di e turista.

Den pasado, mundo di turismo tabata exigi di su profesionalnan, di ta personalmente
conoci cu e mundo di cual e turistanan cu ta paga pa calidad, ta bini.

Actualmente analisis digital ta permiti mundo di turismo, yega na e conclusion pa dicidi
riba e grupo di turismo cu e por atrae.

Un di e problemanan grandi di Aruba ta, cu tin falta di control di calidad, loke ta bay
contra e motibo grandi di e exito di Aruba, cu tabata y lo ta semper e Arubianismo, cu
ta crea e sabor dushi di Aruba y e Arubianonan.