Page 27 - Conbine

Autoridad a drenta Boot Camp marduga bai cu tur mucha y sera
e lugar
Thursday, 11 June 2015 09:35

Comparti

Despues di haya diferente keho y scucha diferente persona entre otro adulto y mucha a bai over na un
accion contra e Boot Camp na Club Boneriano. E departamentonan di Asuntonan Social, Voogdijraad,
Bombero, DOW, Higiena y sosteni pa Polis a reuni na warda di San Nicolas 5or di marduga y djey drenta e
lugar.

A haya hopi mucha drumi riba beach chair y a lanta tur for di sonjo. Asina Voogdijraad a tuma nan over. A
splicanan di e accion y cu nan lo bai cu nan na Shelter di Cruz Cora. Eynan lo papia cu nan. Polis tabata
acompanja e funcionarionan fdi Voogdijraad y Asuntonan Social cu tabata bezig papia cu e muchanan. A
splicanan cu nan mayornan lo wordo yama. Relaciona cu e diferente inspeccion y trabounan haci a bai
over na sera e Boot Campa pasobra e lugar no ta apto. Den entrevista cu Frido Dirks di e departamento di
prevencion di bombero el a conta cu e nan no tin lugar di paga candela. E lugar ta den mal estado y un
cushina cu no ta sirbi. Peliger tabata bisto. Tambe Patrick Lacle di e departamento di Higiena a splica cu e
control cu nan a haci tabata uno caminda tabata tin cuminda bomba, freezer cu no ta traha, weya cu
galinja den awa yen di muskita morto etc. E cushina tabata hopi sushi y mescos e stovenan. Tambe Gerard
Thijsen di DOW a constata cu e lugar mes su infrastructura ta hopi malo. E mester di mantencion, tin
asbest kibra, muraya ta cay leun pa cay, dak cu plafond ta colga etc. Polis a papia cu e persona encarga y e
no a bira vulgar. Mas bien e ta splica autoridad cu nan ta actuando contra ley. El a yama su abogado eynan
mes pa splike kiko tabata pasando. Gilbert Webb e hoben encarga cu Boot Camp a splica cu e ta tumando
ya caba pasonan legal riba henter e situacion cu nan tin contra e Boot Camp. A listra den varios area y
haya armanan blanco den e lugar. Tin e area di cashot cu no ta sirbi. Aparatonan di paga candela no ta
funciona. Un area di medicamentonan cu tampoco ta esun corecto. E forma cu e cosnan aki ta hinca den
otro no ta bon den bista di expertonan cu a bishita e lugar. Mayornan lo wordo yama un pa un pa asina
papia cu nan riba e problema y e peliger di nan yiu den e Boot Camp aki.