Page 30 - FDLP

Cu e meta aki den mente IBiSA a cuminsa un programa nobo: IBiSA ta Puntra
ta un programa visual riba ‘social media’ y ta pa henter comunidad di Aruba.
‘IBiSA ta puntra’ ta disponibel riba Youtube of Facebook di IBiSA Aruba. E meta

di ‘IBiSA ta Puntra’ ta pa trece informacion, conscientisa y promove salud y
actividad fisico den un forma agradabel cu imagennan atractivo di nos bunita

Aruba.
Mayoria episodio ta en conexion cu un tema den cuadra di dia mundial di

organisacionnan manera “World Health Organization (WHO)” y “Pan American
Health Organization (PAHO)”.

‘Dia Mundial di Presion Halto’ ta nos prome episodio, por wak esaki riba Youtube
y Facebook di IBiSA Aruba. E siguiente tema ta ‘Saludabel y Activo durante
vakantie’ cu ta sali den e luna di juli. Den e programa nos ta bay diferente

localidad y haci entrevista cu e publico pa asina nan tambe por aporta nan
opinion riba e tema.

Tambe nos tin invitadonan den e programa cu ta specialisa den nan ramo di
trabou cu ta duna nan splicacion mas profundo riba e tema.

Cu e programa ‘IBiSA ta Puntra’ nos kier crea un guia di informacion pa tur
hende na Aruba pa ta riba e mesun liña, cu informacion exacto y practico pa e

pueblo di Aruba.

Ta importante pa nos comparti e episodionan door di ‘ like and share’ riba

Facebook IBiSA Aruba y Youtube IBiSA Aruba pa asina henter Aruba por disfruta
di e programa y hiba un bida mas saludabel y activo.

http://masnoticia.com/ibisa-ta-puntra-un-programa-pa-henter-comunidad/