Page 8 - DIARIO 13 NOVEMBER 2021 COMPLETO.indd
P. 8
PAGINA 8 DIARIO DIASABRA 13 NOVEMBER 2021
Mike Abel di University of Missouri
Intervencion trempan ta hopi importante den desaroyo di
muchanan cu necesidadnan special
ORANJESTAD(AAN): Actualmente tin un proyecto impor-
tante andando, esta e proyecto piloto yama ‘Intervencion
Trempan pa Muchanan cu Necesidad Special’.
E intencion ta entre otro pa esaki bira un plan nacional.
Mike Abel di University of Missouri na Kansas City Institute
for Human Development ta yudando e proyecto y ta na Aruba
un biaha mas.
Durante un conferencia di prensa el a splica cu ta un privile-
gio pe pa bin Aruba y traha cu e stakeholders riba nos isla.
“Boso tin un grupo remarcable di hende y nos a disfruta di
studia e metodonan di intervencion trempan cu boso tin den e
pais aki na Juni y prepara un rapport”.
Banda di esaki e siman aki mi tabata tin e privilegio di reuni
cu stakeholders clave, pa discuti na un nivel hopi mas pro-
fundo kico ta e capacidad di e isla pa cumpli cu e necesidad-
nan di famianan y pa compronde tambe kico exactamente ta
e necesidadnan.
Asina por coordina un sistema pa yuda agencia y organiza-
cionnan colabora y traha hunto, pa yega na un bon sistema di
intervencion trempan, segun Abel.
El a indica cu ta conoci cu muchanan jong tin necesidadnan
grandi y specialmente e muchanan cu tin limitacionnan di de-
saroyo, tanto fisico como tambe intelectual.
Abel a splica cu ta importante pa yuda e pais compronde balor
di e bida di e muchanan aki y e contribucionnan cu nan ta haci
pa e comunidad aki.
“Ta mi privilegio grandi pa traha banda di Arubianonan cu ta
explora e posibilidadnan y pa pensa hopi riba con pa traha un
sistema cu lo traha na un manera efectivo den e pais aki”.
Mi ta aplaudi e esfuerzonan di e grupo PITA cu ta explorando
tur posibilidad, segun Abel.