Page 39 - MIN JUS 9 NOV 2015
P. 39
Universidad di Aruba, DWJZ y Ministerio di Husticia ta organisa e prome
“Juristenmiddag”
Sunday, 08 November 2015 19:52
Comparti
Riba diabierna a tuma luga e di prome “Juristenmiddag”, Atardi di Hurista, na Universidad di Aruba. E
evento aki a wordo organisa pa Universidad di Aruba, Directie Wetgeving Juridische Zaken y Ministerio
di Husticia.
Erik Teeppe, consehero di maneho na Ministerio di Husticia, a splica cu e sesion tabatin dos meta
principal. E di prome ta pa trece huristanan di sector priva y sector publico hunto pa network cu otro; y e
di dos tabata pa fomenta discusion y intercambio tocante un tema central. Durante di e di prome sesion a
presenta e tema “Toezichthouden”, esta Supervision.
Rector di Universidad di Aruba, dr. Glenn Thode a introduci e concepto di un “Atardi di Hurista” y a
splica tocante di e sesion. El a bisa cu lo tin diferente sesion cu ta basa riba diferente topico di interes
comun.
Siguientemente a tuma luga presentacionnan di parti di Viola van Boogaards y Professor Stamhuis di
Universidad di Aruba y representante di Banco Central di Aruba.
E parti formal di e atardi a caba cu un “panel discussion” y a cera e prome Juristenmiddag cu un sesion pa
network den un ambiente ameno.
http://www.24ora.com/local-mainmenu-5/101792-universidad-di-aruba-dwjz-y-ministerio-di-husticia-
ta-organisa-e-prome-juristenmiddag
