Page 20 - HOSPITAAL

Minister Dangui Oduber Ta Anuncia Cu

Huisartsenpost A Habri Su Portanan Na Medical

Office Building

 Featured

 Politica
- 03/07/2018

Den conferencia di prensa na Dr. Horacio Oduber Hospital (HOH), Minister di
Salubridad Publico, sr. Dangui Oduber a anuncia e realisacion di e mudamento di e
Huisartsen Post (HAP) p’e “Medical Office Building” na HOH.
Presente tabata Director di Hospital sr. Cillië, dr. J. van Trigt (HAVA) y dr. Daryanani,
specialista y coordinador di SEH.

E cambio aki ta danki na tur e stakeholder’s cu conhuntamente a traha pa haci esaki un
realidad. Entrante 2 di juli e mudamento ta vigente y publico lo por haci uzo di esaki n’e
edificio nobo di HOH y no mas na esun situa na Caya Punta Brabo.
E orario cu esaki lo ta habri lo ta di 6:30pm pa 10:30pm. Locual ta importante pa remarca
ta cu pa prome biaha un MOU a wordo firma entre Ministerio di Salubridad Publico,
Asociacion di Dokter di Cas, Asociacion di Specialista, Hospital y AZV.
Esaki ta pa sigi traha hunto pa mehora e servicio y tambe e cuido medico cu ta wordo
ofreci na comunidad.

E mandatario a duna di conoce cu e ta sumamente contento cu tur e partnernan ta
comparti e mesun meta. E meta pa sigi traha hunto y brinda e comunidad un nivel di
cuido hopi halto.
E cambio aki lo percura pa mehora e comunicacion entre e dokternan di cas y e
specialistanan. Tambe e dokter na warda tin un lugar hopi mihor ekipa y cu tur herment
necesario pa por duna un mihor servicio n’e paciente.