Page 2 - MC DONALD'S
P. 2
24 AWEMainta Diamars, 2 Mei 2017
Cu compra di BigMac
riba McHappy Day
McDonald’s a
recauda mas di
10 mil florin pa
Centro Man Na Obra
AÑA pasa na November McDonald’s tabatin un
McHappy Day y e meta di e dia aki tabata pa recauda
fondo pa Centro Man Na Obra.
Rib’e dia aki cada benta di BigMac a bay pa donacion
p’e fundacion, p’asina yuda promove entrenamento
pa trabou y integracion den comunidad di personanan
di 16 aña pariba.
McDonald’s a recauda for di e benta di BigMac un
total di 10.424,- florin pe fundacion Centro Man Na
Obra. Diaranson McDonald’s a entrega e cheque na
e fundacion, kende di su banda tabata contento di a
ricibi esaki p’asina sigui traha riba nan proyecto di
promove entrenamento pa trabou.
Participantenan di Centro Man Na Obra ta ricibi
entrenamento di trabou pa prepara nan pa traha
riba mercado laboral. E participantenan ta traha den
grupo di carpinteria, trahamento y decoracion di
obhetonan di klei, trahamento di bela, labamento di
auto, labamento di boter, hardineria y strica paña.
Banda di e entrenamento tecnico, ta dedica atencion
tambe na e desaroyo di nan abilidad social.
Riba 18 di november 2016 comunidad a demostra
nan apoyo na Centro Man Na Obra cu nan bishita
na restaurantnan di McDonald’s y tabata pidi un
BigMac.
McDonald’s a conscientisa e comunidad pa e evento
aki pa medio di e benta di “Helping Hands” of for-
manan di man traha di papel, cu tabata obtenibel
pa solamente 1 florin, cual tabata bay pa sostene e
mision di Centro Man Na Obra.
