Page 32 - DESPA.
P. 32
Ta importante pa haci movecion y
come saludabel den vakantie
18 July, 2017
0
Na momento di vakantie hopi biaha un persona tin otro custumber compara cu
durante temporada di scol, specialmente e muchanan. Hopi biaha ta come mas
snack, come mas iregularmente, haci menos actividad fisico manera deporte of
gym na scol.
Locual ta hopi importante pa tur hende keda come regular cu e mesun
custumber durante e aña. Funcionario di promocion di salud na IBiSA y dietista
Charlene Leslie a duna diferente tip importante pa temporada di vakantie di
scol. Como miembro di Grupo di Trabou di Alimentacion y Movecion Leslie ta
enfatisa cu bon custumber ta sigui den vakantie tambe.
Algun tip ta encera cuminsa cu desayuno saludabel; Come fruta y berdura;
Disfruta di e vakantie pero na un manera saludabel y e no mester ta a costo di
bo salud; Actividad fisico, di cual hopi biaha ta stop di haci deporte pasobra no
tin e gym na scol p’esey ta keda importante pa haci gym e 1 ora. Esey por ta
hunga na cas, haci actividad fisico manera camp of hasta haci actividad cu
mayornan naturalesa, pensa riba parke Nacional Arikok, baila, core bais.
Tin diferente idea pa pone e muchanan move y limita e uzo di tecnologia,
kiermen keda sinta dilanti television of cu e iPad. Ta hopi importante pa nan
keda den movecion y e comemento saludabel. Por duna un treat pero purba di
no haci esey di mas y keda regula cu e nutricion saludabel.
