Page 31 - MIN ECEM
P. 31
Prome Minister Mike Eman hunto cu Minister Mike de Meza a sali diamars atardi den un
vuelo priva y un vuelo charter for di Aruba pa St. Maarten cu e meta pa trece
Arubianonan pega bek pa nan isla. Pero, contratiempo y aeropuerto di St. Maarten cu a
cera a conduci cu no por a regresa y mester pasa anochi na nos isla ruman. “Mi ta masha
conmovi pa e situacion. Mi a topa hunto cu colega De Meza cu Minister President Marlin
y el a splica nos cu e situacion ta hopi serio mes y cu nan mester hopi ayudo. Gran parti
di e isla ta practicamente sin coriente y sin awa y cu daño enorme na infrastructura. Lo
dura basta tempo prome cu por caba di reconstrui e isla”, esey tabata e prome reaccion di
Minister President Eman. El a biaha cu un delegacion di Polis y di Rampenbureau pa
mira con mas Aruba por yuda nos rumannan den Reino cu a confronta hopi reto pa
motibo di pasada di horcan Irma. Aunke mayoria wowo ta riba St. Maarten, mester corda
cu na Saba y na St. Eustatius tambe a sufri hopi daño.
