Page 82 - MIN ECEM

Tambe a papia cu Charles Brouwer kende ta splica mas con e sistema di nos
espacio aereo ta traha tanto pa Aruba, Corsou y Venezuela.
Ora bo sali for di e espacio aereo di Aruba, bo ta drenta den e espacio aereo di

Corsou. Corsou tin un espacio aereo hopi grandi cu ta cubri un parti grandi di e
mar Caribe. E consecuencia ta di e aproximidad di e espacio aereo di Corsou, cu

ora un avion lanta for di Aruba y por ehempel e ta bay rumbo nort, e tin cu
haya autorisacion di Corsou pa e por drenta e espacio aereo di Corsou, door cu

un avion ta bula asina lihe, no por warda pa e avion lanta y den un paar di
minuut e ta drenta den e espacio aereo. Ta coordina e autorisacion prome cu e

avion lanta, segun e standard internacional di aviacion civil.
Pero mesun cos cu si un avion sali for di Aruba y bay direcion zuid. E por bay
direccion Colombia, direccion Surinam, tambe mester coordina cu Maiquetia.

Por ehempel cu ta bula Aruba-Maiquetia, tin cu coordina cu Corsou, Corsou tin
cu coordina cu Maiquetia, prome cu e avion lanta. For di ora cu e avion lanta,

nos frontera cu Maiquetia ta 15 miya. Un avion ta bul’e den 3 minuut. Mester tin
coordinacion previo pa e avionnan ey sali. Esey ta e relacion cu nos tin cu

Corsou, cu Maiquetia y cu otro. Corsou tin’e tambe cu e espacio aereo eynan cu
ta rondon’e.

Brouwer a splica cu sistema nobo aki e ta beneficia Aruba den hopi manera.
Imagina e manera con tabata traha antes na radio por ehempel. Esey ta e

manera cu toren ta traha ora cu no tin radar of surveillance. E ta un manera
hopi basico. E hermentnan cu luchtverkeersleiding tin cu traha cun’e ta radio y

microfoon y un pen cu un pida papel, caminda cu e ta skirbi na e posicionnan cu
e avionnan ta raporta y e autorisacion cu e ta duna e avion. Basicamente e

posicion di tur e avionnan e verkeersleider tin den su cabes. E sistema aki ta
hopi primitivo. E ta bay yuda e persona cu ta den toren sinta, pa por tin un

miho bista y miho control. Awor aki tur cos ta manual. E sistema ey ta un
sistema cu 40 aña pasa tabata trahando caba. Nada no a cambia pa e sistema
aki.

E sistema di antes no ta malo pero mirando cu Aruba a crece den trafico aereo,

e sistema nobo aki lo bay yuda e controlador pa tin un miho control segun