Page 7 - AM200901
P. 7
Diamars, 1 September 2020 AWEMainta 7
Dialuna mainta, homber maltrata durante un intento di atraco
DIALUNA mainta tempran no a habri
mucho bon pa un ciudadano na Sabana
Grandi. Esaki tabata cu dos atracador arma
a drenta su hogar y a maltrate.
Di acuerdo cu vocero policial nos a haya e
siguiente informacion oficial.
“Dialuna mainta pa mas o menos 6:45 Cen-
tral di Polis ta wordo notifica di un atraco cu
lo a tuma lugar na un cas na Sabana Grandi.
Na yegada di patruya por a bin compronde
di e victima cu un rato prome dos atracodor
cu arma di candela y boca tapa a yega na su
cas y a purba di atrak’e.
Tur dos atracador tabata papia Spaño y
color di cuero blanco. Tur dos tabatin jeans
blau bisti. T’asina cu nan NO a logra bay
cu nada, pero si nan a maltrata e victima .
Personal di ambulance a presenta n’e sitio
p’asina atende e victima.
E dos atracadornan lo mester a huy den un
auto color cora direccion abao. Recherche
y Slachtofferhulp a presenta n’e sitio di e
sucedido. Cuerpo Policial ta pidi es(nan) cu
a wak algo of sa algo yama e tiplijn di Polis
cu ta 11141”.
