Page 22 - AAA.

Dama a sali cay dal cabez na cashi y fayece

Publication: Tuesday, 26 January 2016. Categoria: Policial

ORANJESTAD (AAN); A surgi un situacion sospechoso pa cual diasabra pasa di 3’or marduga lo demas
autoridad a worde notifica di un cas cual a dirigi e instancionan concerni na Monseigneur Verrietstraat.
Ta Centro di Alarma a reporta cu na e adres un persona a fayece, y pesey central di polis a dirigi mesora
patruya San Nicolas y nan a acudi rapido pa atende e caso.
Enberdad na yegada a keda constata e situacion y Docter Tromp a constata morto no natural di e muher
Yocastra Doscen Alvares.
Demas autoridad halto mesora a worde poni na altura y e caso ta den man di Recherché.
Segun informe compila na yegada di patruya, polis a wak personal di ambulans ta reanima un mucha
muher hoben na e porta dilanti di e apartamento. Ademas polis apapia cu e homber inicial J.B.B.R. naci
na Republica Dominicana di 43 aña, kende a bisa cu Diasabra cu a pasa pa 1:30’or di marduga el a scucha
un persona ta bati duro na porta, y el a lanta y a habri porta. Aki el a wak e victima cu paña sushi, y el a
drenta paden y a bay drumi riba cama.. Na e momento ey el a puntre pakico el a yega cas awor numa.
Aki a surgi intercambio di palabra entre nan dos y ora e mucha muher kier a lanta for di e cama y mucha
muher a cay dal cabez contra cashi.
E homber J.B.B.R. a sigui declara na polis, e ora ey el a lanta e mucha muher y pone riba cama atrobe y a
cuminsa reanime y despues el a yama ambulans.
E Recherché na warda di distrito San Nicolas y Recherche tecnico a worde notifica relaciona cu
investigacion.
Tanto Fiscal y Dr. Tromp a presenta na e direccion.
Mientras investigacion ta continua. Segun curpa lo worde confisca y no ta exclui autopsia tambe lo tuma
lugar pa determina morto di Yocastra.
Palabranan di Forza na famia y paz na su restonan.

http://www.diario.aw/2016/01/dama-a-sali-cay-dal-cabez-na-cashi-y-fayece/