Page 22 - KPA
P. 22
6 AWEMainta Dialuna, 23 October 2017
Turista ta wordo
alcansa pa un auto
dilanti Renaissance
Marina Tower
DIASABRA algo pasa di 11’or di anochi, polis y
ambulans a wordo manda cu urgencia na L.G Smith
Boulevard, na altura di Renaissance Marina Tower,
pa un auto cu lo a dal un turista.
Na yegada polis a bin topa cu un meneer benta riba
vloer y un dama cu tabata grita sin piedad.
E meneer, kende ta un turista, a bay pa crusa e
caminda y probablemente no a pone bon tino y a
subi caminda net na momento cu di pariba tabata
biniendo un Nissan Silvia.
E impacto tabata basta fuerte, e cabayero a haya un
kap basta hundo na su frenta y tabata sangrando
bastante.
Den e impacto, e turista lo a dal cu su cabes contra
e windshield y a scheur esaki.
Despues cu personal di ambulans a trata e turista n’e
sitio, a transport’e pa hospital.
Despues di un rato a drenta informacion cu e turista
su situacion ta stabil.
E Nissan Silvia a keda confisca y a wordo transporta
pa warda di polis pa mas investigacion.
