Page 28 - KPA
P. 28
14 AWEMainta Dialuna, 23 October 2017
Azeta di cushina basha riba caminda publico DIAHUEBS pa mas o menos 1’or di
marduga, un patruya a wordo manda
pa Moko pa motibo cu lo tabatin azeta
basha rib’e caminda.
Rib’e caminda di Catiri pa Moko, e
polisnan atento a nota un container di
plastic y un caha riba caminda. Un poco
mas leu nan ta mira enberdad azeta rib’e
caminda.
Esaki sigur ta forma peliger pa trafico.
Mesora Central di polis a avisa D.O.W
pa benta poco tera rib’e azeta, despues
cu a sigui bay direccion di Moko, eynan
tambe tabatin azeta basha rib’e caminda.
Bisiñanan a yuda polis basha santo rib’e
caminda.
Despues di un rato a drenta informacion
cu na Rooi Afo, na altura di ” Nos Luga”,
tambe tabatin azeta basha rib’e caminda.
Personal di D.O.W a wordo avisa pa pasa
tira santo riba tur caminda cu tabata tin
azeta basha.
Aparentemente lo ta trata di azeta di
cushina, y segun testigo ta trata di un
pickup Blanco cu dos homber den e baki
tabata tira azeta rib’e caminda.
