Page 11 - DIGICEL 21 SEPT 2015

Tur cos ta cla pa TEDxAruba di e siman aki

Publication: Monday, 21 September 2015. Categoria: General

ORANJESTAD (AAN): Entusiasmo y espectativanan ta halto y preparacion nan ta den full
swing pa loke ta e evento historico aki, e prome TEDx den Caribe, TEDxAruba ‘Island of
Sustainable Solutions’.

TEDxAruba ta bay ta un evento local cu ta reuni un audiencia pa comparti un experiencia similar
cu TED. Durante TEDxAruba oradornan en vivo ta worde combina pa stimula un discucion
profundo y conecta cu otro.

Preparacion nan ja caba a cuminsa y tur hende envolvi ta entusiasma pa loke ta TEDxAruba. Por
informa cu preparacionnan pa transforma Cas di Cultura ta den proceso. E oraradornan
internacional ta yegando Aruba y ta masha entusiasma pa trece nan ideanan innovativo y
sostenibel dilanti riba e topiconan di techonologia, educacion y diseño. Goody bags nan tambe a
worde jena pa asina cada persona cu atende TEDxAruba por ricibi un obsekio chikito di tanto e
organizacion di TEDxAruba como tambe e partnernan di e evento. TEDxAruba kier a gradici
cada sponsor y esnan envolvi cu a suministra e materialnan aki pa e goody bags.

Durante TEDxAruba lo tin tambe full un programma musical. TEDxAruba ta sumamente
contento pa por tin Micheal Lampe como e persona cu lo bay ta encarga cu henter e programma
musical. Por informa cu durante e weekend ja caba e preparacion y training cu Datapanic a
cuminsa pa asina garantisa cu e publico lo experiencia un entretenimento unico.

Ta importante pa informa cu e pre-registrations pa TEDxAruba lo bay ta dia 21 y 22 di
september 2015 na Cas di Cultura di 6:00pm pa 8:00pm. Ta invita tur hende pa pasa busca nan
badges nan of si esnan cu kier tickets ainda por bin libremente anto cumpra esaki riba e dos
dianan aki.

Bin y experiencia e tremendo evento aki cu ta TEDxAruba y bin cu un mente habri pa por ricibi
e ideannan innovativo y sostenibel cu ada orador lo trece dilanti. Bini uno y bini tur dia 23 di
september 2015 di 6:00pm pa 11:30pm na Cas di Cultura.

http://www.diario.aw/2015/09/tur-cos-ta-cla-pa-tedxaruba-di-e-siman-aki/