Page 44 - AVP

cada bes, tur fin di luna tin cu tende e gritonan di e trahadornan di Serlimar, si nan ta
cobra of no.

De Cuba a remarca cu mester yega na un solucion duradero. No ta for di awor, pero for

di hopi aña e situacion di Serlimar aki ta andando

STA a yega di bisa cu e cobranza di Serlimar mester bay wordo hinca den e recibo di
awa of den e recibo di coriente of den esun di grondbelasting.

E ta kere cu den e recibo di awa lo ta mas mihor pasobra ningun hende por biba sin
awa. E cobranza mester por wordo bon structura y hinca den otro. Si gobierno ta hinca
Serlimar den e recibonan ey, ta un gobierno tin. Ta keda sinta cada biaha cu e

problematica aki of ta yega na un solucion duradero, a remarca.

Ta constata cu boluntariamente ni un tercera parti di e clientenan di Serlimar no ta
cumpli cu e pago. Pesey mester busca un otro alternativa pa por genera e entrada di e

placa, a señala.

Aworaki ta bay manda un ‘dwangschrift’ pa e hendenan cu no ta cumpli cu e pago, pero
pakico bay den e extremo ey si tin otro solucionnan cu por bin cune.

STA ta kere cu por ta esey ta e caminda mas facil y mas lihe cu por yega na genera e
placa cu e compania tin mester pa por sigui draai, De Cuba a bisa.

Den e caso aki gobierno tin cu bay tuma un decision cu kizas ta bay haci dolor, pero cu
ta mihor pa e pais. Tin hopi cos cu mester wordo haci. Decisionnan cu mester wordo
tuma pero e ehecucion no ta bin su tras.

Esaki ta un di e partinan cu kier bay papia cu Parlamento vooral e fraccionnan pa splica
nan cu locual STA ta kere y cu ta convenci cu por ta un solucion duradero pa cu e
compania di Serlimar SG, Diego de Cuba a indica.

https://www.diario.aw/2020/02/sta-ta-kere-cu-hinca-e-cobranza-di-serlimar-den-recibo-di-awa-ta-un-
bon-solucion-pa-percura-cu-e-compania-ta-keda-haya-entrada/