Page 2 - ymca

16 AWEMainta Dialuna, 18 Mei 2015

Prome Minister Mike Eman a hiba palabra na conferencia internacional di YMCA

Mustrando e importancia di amor, solidaridad y
sigur boluntarismo y cohesion social

FOR di siman pasa ta tumando lugar riba nos isla e Conferencial

Anual y Reunion di Comite Ehecutivo di Aliansa Latino Americano
y Caribense di YMCA. E evento ta reuni 55 delegado di 15 pais di
e region.
Como un di e oradornan principal di e programa, Prome Minister a
hiba un mensahe unda el a gradici YMCA pa su trabou bon conoci
pa comunidad y tambe a haci un invitacion pa traha hunto cu sec-
tor publico pa haci mas ainda hunto.
E encuentro y sesionnan cu ta realisando na Aruba ta resultado
organisatorio di ehecutivonan halto di e organisacion manera Mi-
noru Roberto Kobayashi y Antonio Merino, President y Secretario
di e entidad, como tambe nos propio lidernan Arubiano, Anky
Vrolijk y Nathaly Harms.

“Pa nos e prosperidad ta bay hopi mas leu cu e prosperidad mate-
rial. Nos ta bira humano solamente den nos relacion cu otronan,”
asina Prome Minister Mike Eman a bisa na inicio di su discurso ex-
presando su gratitud di por forma parti di un encuentro di YMCA,
un organisacion asina importante pa bienestar di comunidad y en
particular hobennan.
Eman ta wak den e organisacion internacional hopi factornan
comparti, manera boluntarismo y cohesion social.
Amistad t’e liña invisible cu ta mantene un comunidad hunto mus-
trando amor pa prohimo, solidaridad entre esnan cu tin y esnan
cu no tin y cu mester di bo apoya, dunando na mes momento un
ehempel n’e hobennan cu tin e energia pa haci e cosnan cu mundo
tin mester.”

E mandatario a reflexiona riba e ehempel cu ta su propio bida; con
ora e tabata mucha y a perde su tata, comunidad a yuda e viuda
y mama di ocho yiu den cria y lanta nan.
Awendia, hendenan tin e tendencia di t’asina ocupa cu nan mes,
cu no ta ripara esnan den necesidad rond di nan. Pesey mes, awe
mas cu nunca tin mester di organisacionnan manera YMCA.
Minister President Eman a gradici e institucion pa a apoya e ini-
ciativa pa tene e reunion na Aruba caminda por comparti e lesnan
di e trabou cu ta wordo haci den e comunidadnan di e diferente
paisnan.
Esaki ta un ayudo valioso na beneficio di hubentud y tur esnan
cu tin mester. Tambe pa inspira otronan, den nos famia y den
nos sociedad pa traha na fabor di humanidad y sembra e simia di
boluntarismo y e spirito di trabou comunitario.

Por ultimo, Prome Minister a gradici tambe e delegadonan pa nan
presencia y a desea nan un estadia placentero riba nos isla.
“Nos ta hopi contento di e progreso cu nos a crea aki y ban wak
con nos por traha hunto pa mehora bida di nos hubentud y ciu-
dadanonan.”