Page 3 - RDA

El a bisa cu aworaki e ehecutivonan a bolbe Aruba cu algun contesta unda cu a wordo
informa cu nan a haya un parti chikito di e financiamento, anto esey a pone cu nan por
sigui manera cu nan tabata haciendo prome cu e slow down.

E tempo ey caba no tabata tin hopi actividad, pero e bon noticia ta cu ta wordo
garantisa ta cu e trahado ta continua den nan posicion.

Prome Minister tambe a splica cu ta contento cu ehecutivonan di CITGO a bin bek

manera cu nan a priminti, cu nan mes lo bin bek pa trece un update di e situacion.

Durante e ultimo reunion 1 luna pasa, y al menos tin un linea habri den comunicacion
despues di hopi tempo unda no tabata tin siendo cu mayoria di representante di CITGO

tabata deteni, y gobierno ta celebra si cu e tata cu mama di famia no a perde nan
trabou.

Pero den un forma realistico Minister Evelyn Wever – Croes a expresa cu e situacion ta

cu aunke por a haya e financiamento pa reactiva full e refineria di Aruba, nan no por
haci uzo riba dje debi na e sancion di Merca cu tin poni riba e compania aki. Y tanten
nan no a haya e fondo aki nan no por keda cla toch.

Cu esaki kiermen cu en berdad tin un par di puntonan positivo cu e reunion aki cu
plannan y hopi idea, pero den definitivo gobierno di Aruba no a mira un solucion ainda
cu caso CITGO, anto nan ta keda busca traha riba un otro structura di negoshi y
gobierno di Aruba ta keda pendiente pa tende di nan kico por a logra.

E suma cu nan a haya pa e inversion den refineria ta rond di $600 miyon, pero unda cu
manera Minister Presidente a splica, nan haya e cen pero no por dispone riba e placa
door di e sancion. Pero importante ta cu refineria a bolbe na un posicion prome cu

refineria a cay den slow down y asina por keda bay poco poco te ora nan a logra e
financiamento grandi.

Prome Minister a sigui bisa si cu mester ta realistico unda cu gobierno ta keda mara na

e contrato aki, unda cu gobierno di Aruba lo keda intermedia cu gobierno Americano pa
yuda lanta CITGO su sancion cu por wordo haya den caso cu CITGO por cambia nan
structura den nan financiamento esey ta bay yuda pa e sancion no keda tuma luga
mas.