Page 50 - MIN TTC MARCH 29,2016

Diario a kibra relacion di trabou cu Nelson "Speed" Andrade

Thursday, 24 March 2016 16:54
Comparti

Despues di casi 20 aña di servicio, awe matutino Diario a kibra relacion di trabou den forma abrupto cu
Nelson "Speed" Andrade, considera como un di e reportero y redactornan estelar di e corant.

E motibo ta e incidente ayera den sala di prensa di Bestuurskantoor den cual e periodista, cumpliendo cu
su trabou, a cuestiona maneho di Minister Otmar Oduber den turismo. E corant a skirbi den su carta di
retiro cu nan ta teme cu e forma di hiba periodismo lo por percura pa perdida di entrada for di Ministerio
di Turismo y Cultura. Tambe cu Gobierno (Minister Otmar Oduber) lo a prohibi entrada di e medio di
comunicacion den tur su actividadnan y conferencianan di prensa. Cu esey Diario ta considera cu esaki ta
causa daño na e corant.

Ironia di bida den e decision di e corant mas bendi na Aruba ta cu nan ta kita nan reportero pa miedo di
perde entrada di Gobierno, pero ta cuestiona maneho di e periodista cu a bisa Aruba Tourism Authority
pa no mande monton di comunicado si nan no ta pone propaganda den su noticiero di radio. Esey ni tin
nada di haber cu e corant, cu semper a sigui publica tur relato di ATA.

Di otro banda, Corte durante temporada di Gobierno di MEP a yega di dicta un sentencia caba den cual
Gobierno NO por nenga prensa acceso na atende conferencianan den edificionan di Gobierno. Esey sin
duda lo ta un atake directo contra libertad di prensa! Ta mustra cu Corte lo mester tuma un decision den
e caso lamentabel aki, den cual Diario ta uza e conferencia di prensa di diaranson ultimo como un motibo
"urgente" y balido pa kita e redactor for di trabou. Andrade no kier a duna comentario awe ainda pero a
confirma cu su caso mientrastanto ta den man di su abogado.

Comentarionan (18)

Mustra/Kita comentarionan
Fascista den gobierno
March 25, 2016
173.245.49.200
Votes: +10





...

Pero...a keda un duda chikito: periodista por hasi pregunta na Aruba? of peridodista ta sirbi unicamente pa macaco
di un hende cu den pasado a ser sospecha di maneho dudoso? Un minister di turismo cu ta sirbi pa cumpra
consenshi di hende, intolerante, y cu ta sufri un trastorno di personalidad? Esaki ta un peliguer pa Aruba su
democracia y balornan...!!!