Page 58 - MIN TTC MARCH 29,2016

Kier camufla retiro di 'speed' como
atentado contra libertad prensa

Posted on 03/24/2016 11:20 pm AST | Updated on 03/25/2016 11:41 am ASTORANJESTAD - E hecho cu e
periodista Nelson "Speed" Andrade a wordo retira di e matutino Diario, pa a haci preguntanan skerpi na un
minister, hopi ta considera como un atentado directo riba libertad di prensa y peliger riba derecho di estado. E
mandatario di turismo, cu tabata e blanco di e preguntanan aki, no ta comparti e pensamento ey. "Mi no por
comparti esaki hamas y nunca pasobra esey no ta mi estilo. E no ta mi caracter" Oduber a bisa. E ta sigura cu e ta
un persona cu semper a para pa prensa y como vocero den pasado di gobierno. Semper e tabatin un relacion bon
cu prensa. "Mi no ta kere cu di gobierno, lo tabatin un atentado. Lo kier camufle bou di un posibel atentado. Pero
esaki ta un problema interno entre un dunado di trabou y su trahado".

PERIODISTA A FALTA RESPET NA SU DOÑO DI TRABOU

Segun Oduber, e no ta na altura exactamente di e detayenan sino mas bien a tuma nota cu ta a base di e loke a tuma lugar
den e conferencia di prensa, cu Speed Andrade a haya su retiro. Segun Oduber, tur hende presente tabata presente ora cu
e propietario director di e matutino en cuestion a experiencia e confrontacion entre e director y e periodista en cuestion.
"Despues mi por a compronde cu tabatin un falta di respet eynan tambe pa cual no a acepta esey di parti di e director di
Diario cu ta e dunado di trabou di Andrade" Oduber a bisa. Pa loke ta e detayenan pakico Andrade a wordo retira, ta algo cu
segun Oduber, mester puntra Diario directamente.

CARTA MANDA NA TELEARUBA Y DIARIO"Cu kier uza directamente e momento ey, mi no tin ningun temor pa bisa cu
mi a dirigi un carta pa tanto Telearuba como Diario, caminda mi a mustra mi frustracion pa cu un periodista cu ta labora na e
dos lugarnan aki y cu ta falta respet y cu ta trece insinuacion sin base pa esaki. Y como tal mi a exigi un disculpa pa esaki"
Oduber a bisa. E ta confirma tambe cu el a pidi un disculpa di ambos medio y un peticion pa den futuro e tipo di cosnan aki
no ripiti esaki mas. "Ma exigi e mesun respet cu ami ta duna medionan di prensa na tur momento". Ora cu a puntra e
mandatario kico kier logra cu e cartanan aki, el a mustra cu simplemente e kier respet.

http://www.noticiacla.com/news/5500