Page 3 - MARRIOTT HOTEL

E evento a tuma lugar den Grand Ballroom cual tawata bunita decora y unda tambe e
asociadonan a disfruta di un dushi lunch sigi pa un seminario cu oradornan principal Sra.
Evelyne Wever-Croes – Minister President di Aruba, Sra. Enrita Werleman – Trahado
Social, Cofundadora di Mary Joan Foundation y Fundadora di BOB, Srta. Alejandra
Vallejo – Medico di Salud y e presentadora tawata Srta. Rosabelle Illes. Cada orador a
duna conseho y recomedacion na e asociadonan femenino tocante maneho di un carera
exitoso, mantenshon di un bida balansa y saludable, con pa hasi examen di pecho na cas,
kiko ta e sintomanan di cancer di pechi como tambe maneranan pa preveni cancer di
pecho.

Aruba Marriott a organisa e evento bunita aki como parti di Marriott International su
esfuersonan pa celebra logronan di igualdad di genero como tambe empowerment di
hende muher rond di mundo y alaves crea concientisacion rond di cuestionnan cu ta eleva
hende muher na un nivel mundial. Marriott su ‘Women’s Leadership Development
Program’ a wordo introduce na 1999 cu obhetivonan pa aumenta e presencia di hende
muher den puestonan clave, mehora e proceso pa hende muhernan por desaroya un carera
na Marriott, desaroya un rol pa gerencia jega na asegura e progreso di hende muhernan y
pa capitalisa riba e suministro di lidernan femenino actualmente disponibel pa pusha e
exito di e organisacion.

Aruba Marriott Resort & Stellaris Casino a habri na aña 1995 cu 411 camber. Na aña
1999 a habri Ocean Club cu 311 camber y na aña 2004 a habri Surfclub cu 900 camber.
Na tur, e famia di Marriott Aruba ta consisti di mas o menos 1200 empleado den servicio
directo. E compleho di Marriott Aruba ta esun di mas grandi den henter Caribe, tanto den
cantidad di camber como den cantidad di empleado.