Page 7 - bon-dia-aruba-20211124

locAl Diaranson 24 november 2021
A7

Minister di Finanzas ta informa:

Gobierno ta emiti bono pa cubri debe local conforme e palabracion cu Hulanda
Ta trata di ‘rollovers’ y no debe nobo

Dia 17 di november Banco Central a saca un anuncio
den cual ta yama interesado pa cumpra bono di Go-
bierno pa e suma total di 84 miyon florin. Ta trata aki
di ‘rollovers’ cual ta debenan haci den pasado cu awor
ta madura. Ta trata di debenan haci,entre otro, na aña
2009 y aña 2011.

Conforme e palabracion cu Hulanda, e aña aki Hulanda ta
paga e debenan externo di Aruba y Gobierno di Aruba mes
mester percura pa e debenan local. Asina aki pa aña 2021, Aru-
ba a haya un prestamo di Hulanda di 177 miyon florin pa paga
nos debe externo cu a madura e aña aki.

Ta bon pa menciona cu e ‘rollovers’ no ta haci e debe di nos
Pais mas grandi. Ta cambia debenan bieu pa un debe nobo cu
condicionnan nobo. Ademas e emision di bono aki no ta pa
cubri e deficit di nos Pais of pa cubri e falta di sosten di likides
di Hulanda, e ta netamente pa cambia debenan local bieu pa
un debe local nobo.

Conforme ley, Banco Central di Aruba ta encarga cu emision
di bono y ta publica e condicionnan aplicabel.

Aruba ta mira aumento cu

20 caso nobo di COVID-19

Segun e resumen publica pa e Departmaneto di Salub-
ridad Publico (DVG) diariamente tocante e desaroyo
di e pandemia di COVID-19 na Aruba, un total di 6
persona a recupera y un cantidad di 20 caso nobo di
COVID-19 a keda registra di cual 1 no ta residente. E
cifranan aki ta representa un tasa di positividad entre
nos residentenan di 11%.

E cantidad di casonan actualmente activo di COVID-19 ta di
183. E cantidad di fayecidonan relaciona cu COVID-19 ta di
173.

Datonan di DVG ta ilustra casonan nobo di COVID cu un
averahe semanal di 17 caso pa dia y un averahe di tasa di posi-
tividad semanal di 11 porciento pa dia.

Actualmente na Aruba tin 9 persona hospitalisa pa causa di
COVID di cual 4 di e personanan aki ta den Unidad di Cuido
Intensivo (ICU) y 5 di e personanan menciona ta den piso
general. Ademas di esaki, tin actualmente 8 persona den Uni-
dad di Cuido Intensivo (ICU) na Colombia y otro 3 ta riba
piso general.