Page 114 - MIN JUS 14 SEPT 2015
P. 114
Minister Dowers contento cu e cooperacion
cu Fiscal Zondervan den trafico
on: Monday, September 14, 2015In: LocalNo Comments
Print Email
Ministerio di Husticia ta hopi agradecidi na loke Fiscal saliente Jaap Zondervan a haci na Aruba
pa loke ta trafico. P’esey tambe a tuma un despedida special pa e oficial di husticia den su
oficina.
Minister di Husticia Arthur Dowers a splica cu a traha hopi estrecho cu Zondervan riba tereno di
trafico, cu ta un prioridad grandi di e Gabinete. A probecha e momento ey pa combersa riba
diferente aspectonan cu ta pendiente pa traha riba nan, algun cambio cu mester wordo haci den
leynan di trafico pa por garantisa cu e ta mas sigur, y sigui preveni e dañonan sufri den trafico.
“Ta hopi cos a cambia den trafico e ultimo seis añanan, entre otro centralisacion di Departamento
di Trafico pa logra un efectividad hopi mas grandi riba caya. E brigada mes di polisnan motoriza
a logra basta mehoracion, principalmente den maniobra cu e brommernan.”
E Minister a menciona tambe cu tur loke a wordo haci cu Zondervan no solamente tabatin
impacto den comportacion of sancion di e persona cu ta envolvi den cualkier infraccion di
trafico, pero e tin un efecto riba e sociedad tambe. Minister Dowers ta haya cu e trabou haci
tabatin un relevancia social masha grandi ora cu p.e. hinca un persona den un curso pa e no
comete e mesun infraccion bek, pero tambe ta contribui na e siguridad general di e comunidad. A
constata tambe cu e hendenan cu a participa den un curso asina, despues cu nan a wordo atrapa ta
core bou influencia, nan mes ta trata di influencia otro cu un comportacion positivo y ta logra
mas consciencia di e ciudadanonan den trafico.
Minister Dowers ta contento cu loke a wordo logra y e cooperacion, pero ta admiti cu tin algun
paso cu mester wordo tuma ainda. “Tin un bon cooperacion entre nos departamento y Polis y
otro instancianan cu ta responsabilidad pa siguridad y trankilidad riba caminda.”
http://masnoticia.com/minister-dowers-contento-cu-e-cooperacion-cu-fiscal-zondervan-den-
trafico/
