Page 69 - MIN JUS_Neat
P. 69

Minister Arthur Dowers: Tur hende ta papia di crimen, pero
                 ningun hende ta papia di solucion


                 Sunday, 11 June 2017 17:35
                 Comparti














                 Diahuebs ultimo tabata tin un debate politico, caminda cu lidernan politico, casi tur tabata tey. E tema
                 principal, segun cu a resalta ta criminalidad riba nos isla. Minister Arthur Dowers ta responsabel pa loke
                 ta husticia, etc.
                 E mandatario a comenta cu el a sigui e debate. El a mira cu siguridad tabata un di e temanan principal,
                 den e ultimo 7 aña. Tur dia tin hende cu ta yama su nomber pa loke ta trata siguridad y loke e tin cu bisa,
                 cu ta resalta cerca dje, cu tur hende ta papia di siguridad. Tur hende ta papia di crimen, pero ningun
                 hende ta papia di solucion. Tur cos cu e kier a tende di parti di sra. Evelyn Wever-Croes, tabata cu nan ta
                 bin cu helicopter y un radar. Y esey tur sa cu esey no ta contribui na reduccion di criminalidad. Si tene
                 cuenta cu nan kier haci e tema principal ilegalidad. Por a mira cu tempo cu partido MEP tabata den
                 Gobierno y segun cu por a drenta den archivo, tabata drenta 50 ilegal pa dia. Awor aki por drenta por ta
                 un 20 ilegal pa luna. Esey segun e mandatario, ta un diferencia hopi grandi cu awe nan ta bon ekipa. Tin
                 algun paso chikito pa tuma pa completa loke cu mester haci ainda, pero tin cu agrega, cu grandemente e
                 trabao ta wordo haci y sigur sigur compara cu tempo nan tabata den Gobierno. Si haci un evaluacion kico
                 ta e materialnan tecnologico cu mester pa pone den cuerpo y awe ta un di e cuerponan mucho mas miho
                 ekipa den e region y sigur den e parti aki di Reino tambe nos cuerpo policial ta destaca pa loke ta e bon
                 trabao cu nan ta haci, e posibilidad pa detene esnan cu ta comete crimen y hasta e accionnan preventivo
                 cu ta haci. E siman aki atrobe a detene hende prome cu nan a comete crimen riba e pais aki. Cu tin
                 crimen si. Cu tin risiconan hopi grandi den mundo, nos ta mir’e tur dia. Pero cu sra. Wever-Croes, hunto
                 cu Besaril y algun di e otro hendenan cu nan tin den nan partido cu ta bisa cu nan ta esunnan cu ta bay
                 pone cu no lo bay tin ningun crimen mas riba e pais aki. Esey tur hende ta conciente cu no lo pasa. Ta
                 sigur tambe cu tur hende ta conciente cu e caminda cu a buta, ta tuma tempo. E maneho cu ta hiba, ta un
                 maneho di aña e ta, pero ta garantisa cu e fundeshi keda bon. A mira hopi pais cu a pone helicopter, pone
                 mas polis, pone radar, pero no a pone e base di e curason di e ser humano pa e ta un miho hende. No a
                 inculca esaki den e persona aki, pa e no coy cos di hende, pa e no horta, pa e siña respeta hende. Si mira e
                 mentalidad di e politiconan aki, specialmente di partido MEP, caminda cu nan MO ta insulta hende,
                 lastra hende, menasa hende, kima bestuurskantoor, kima luga. E no ta compronde cu ta pro maldad so
                 nan ta y ta rondona di e hendenan aki. Por traha un lista di tur esnan cu ta cerca di nan cu ta meti den
                 droga, den traficacion di droga, den hortamento, den atraco, den atraca pueblo su saco, atraca lotto, tur e
                 cosnan ey, nan ta esnan cu tin e pretencion di bin den Gobierno pa nos siguridad. Un grupo di hende cu
                 ta den Gobierno, nan abogado so ta hala un miyon di hende bay cun’e. Placa cu por wordo inverti den nos
                 comunidad, pa yuda nos muchanan pa nan no bay den mal caminda.  Un grupo di hende cu ora drenta
                 den Gobierno, nan ta organisa gang, nan tin hende cu nan ta paga pa lanta gang pa ataca pueblo. E ta
                 proba. Ta nan mesun coordinadornan tabata lanta gang y daña yen di yiu di hende na Aruba. Mayornan a
                 keha cerca e minister. Ta spera cu pueblo ta conciente, cu e grupo aki ta papia bunita, pero e momento di
                 berdad, no por conta riba nan. Nan meta principal ta pa con pa yega den Gobierno pa yena saco. Tur
                 tema cu nan trece, cu nan trece negativo, ningun di nan a trece un solucion pa un problema.
   64   65   66   67   68   69   70   71   72   73   74