Page 9 - MIN ECEM

October 11, 2017
www.awemainta.com
www.facebook.com/awemainta
noticia@awemainta.com
583-1400

Nan sa cu loke nan ta haci ta ilegal, pero
AYERA A SOSODE LOKE TABATA DI SPERA, BOTO

A PEGA NA CANDELA Y A KIMA DOS ARUBIANO

TABATA ayera mainta, den careda di 11or ora cu na costa di Venezuela
a yega dos boto local di Aruba. Ta conoci caba kico nan ta bay haci n’e
costanan y algo a bay robes cu gasoline y candela grandi a cuminsa riba un
di e botonan.
Dos homber fam K. y L. nan curpa a pega candela y nan a sufri kemadura
tabata serio.
Un otro boto local cu tambe tabata den becindario, keda intacto a tuma e
dos hombernan kima over y sali di inmediato direccion Aruba full speed y
raporta na autoridad di e caso.
Dos unidad di ambulance tabata na waf di Barcadera pa tuma e victimanan
over y cu urgencia transporta pa hospital. Un di e hombernan ta mas kima
cu otro.
Tabata ainda ayera mainta, cu Minister di Asunto Economico, Richard Ar-
ends, sosteni pa su colega di Husticia, mr. drs. Arthur Dowers a publica e
ley, cu ta haci e practica aki ilegal na Aruba.
A manda un advertencia serio, di kico por pasa y ata, na costa di Venezuela
mes, sin a haya chens di bin bek, boto y dos di e personanan aki a kima.