Page 34 - AWEMAINTA
P. 34
34 AWEMainta Dialuna, 29 Januari 2018
Corsou
Kontinuando ku e investigashon di tiramentu ku a tuma lugá dia 25 yanüari 2018
Polis a tene dos entrada hudisial riba e
dia en kuestion un persona a pèrdè su
bida i dos otro a keda heridá
WILLEMSTAD - Awe djabièrnè 26 di yanüari 2018 den oranan
di atardi polis a bai na un kas den área di Amerikanenkamp i duran-
te investigashon den e kas polis a detené e hòmber L.D.d.L.S.B.G
nasé na Venezuela di 19 aña di edat, komo sospechoso den e kaso
aki.
Tambe polis a konfiská un vehíkulo i kosnan di importansia pa
e investigashon. Seguidamente polis a bai na un kas den área di
Montaña Abou i na e kas aki tambe polis a konfiská kosnan di
importansia pe investigashon.
A presentá e sospechoso L.D.d.L.S.B.G. dilanti un Fiskal Ouksiliar
ku a ordená su enkarselamentu pendiente di mas investigashon.
E investigashon den e kaso aki ta kontinuá.
Kandela grandi na Skarlo
WILLEMSTAD - Ayera den
oranan di mardugá Bomberonan
mester a bai Skarlo pa un kan-
dela basta grandi kaminda ku 3
kas a kima kompletu. Unidat di
Steenrijk, Mundu Nobo a purba
pa skapa e kas nan aki pero ora
pa ora e kandela tabata bira mas
grandi i mes ora e unidat nan di
Rio Canario tambe a bin na e sitio
pa asina yuda paga e kandela fe-
ros ku a kima sigur 3 kas. Un situ-
ashon basta tristu kaminda ku 3
famia a keda sin un dak riba nan
kabes. Polisnan a sera e área pa
asina Brandweer por a hasi inves-
tigashon pa trata na saka afo kiko
por tabata kousa di e kandela aki.
