Page 28 - MIN JUS

Nan ta bisa cu Gobierno no a paga e placa di e pensionadonan. Parlamento y Conseho di

Minister a duna aprobacion pa e placa aki a sali.

Minister Richard Arends a splica cu for di dia 28 di Juni, Parlamento a duna Gobierno

autorisacion pa efectua pago na e dos grupo di ex empleadonan di SETAR, un suma total

di 4 miyon di florin. Algun dia despues, ya 3 di Juli, departamento di Financien y

Directie Wetgeving a sinta cu representante di e gruponan aki y a palabra cu dia 31 di

Juli, ta e deadline pa efectua e pagonan.

For di dia 3 di Juli, cu hopi dificultad a haya informacion di e representante di e ex
empleadonan y, segun e Minister, ta indica cu nan mes kier a percura cu e reparticion di

placa y esey pa e Minister, no ta aceptabel.

Land Aruba tin un obligacion cu e ex empleadonan aki. E werkgroepnan tey pa facilita e

proceso. Fecha di dia 31 di Juli a yega. No a ricibi informacion. Tambe tabata tin un
disputa si nan kier sigui cu e abogado, si of no. Te dia di awe no a ricibi nada por escrito

cu e abogado ta desisti di representa e prome grupo, e 32 ex empleadonan, ni tampoco cu

tur e 32 personanan aki, a manda algo por escrito cu nan ta desisti di wordo representa

legalmente door di sra. Ecury, kende ta nan abogado. Dia 4 di Augustus, bao di conseho

di Directie Wetgeving, a tuma e decision pa transferi e suma di 1.5 miyon riba e

cuentanan di abogado Ecury, kende ta representante legal di e prome grupo, di 32 ex

empleadonan di Setar.

Mientras tanto, for di dia 3 di Juli, cu ta prome biaha cu a sinta cu nan, te siman pasa, dia

22 di Augustus, a ricibi un lista preliminar di nomber di e di dos grupo. Ainda no a logra

suministra Gobierno cu e nombernan, cual e minister ta haya hopi lamentabel, pasobra ta

casi 2 luna a pasa, y ta crea e impresion eyfo cu ta Gobierno ta esun cu ta tardando, cual