Page 92 - MIN JUS
P. 92
Auto vocero OM di Corsou cendi na
candela intencionalmente
Posted on 05/10/2017 8:13 am AST | Updated on 05/10/2017 8:40 pm AST
WILLEMSTAD - Cuerpo Policial hunto cu Ministerio Publico ta trahando serio riba un
caso cu a tuma luga awe den oranan di marduga na momento cu desconocinan a cende
vehiculo di vocero di Ministerio Publico na candela. Unidad di Brandweer di Steenrijk
mester a bay cu urgencia na Jan Thiel despues di ricibi notificacion cu tin un auto na
candela. Na yegada, Brandweer a paga e vehiculo aki. Bon trabou di Jan Thiel Security
Group y KPC a pone cu a haci detencion di un sospechoso den e caso aki djis un rato
despues, mirando cu rond Jan Thiel ta ser di monitor 24 ora pa dia, pues dificilmente bo
por bay haci un maldad y no ser capta riba varios camera. Polisnan ta haciendo
investigacion a fondo di e caso aki.
Sr. Serphos a indica cu e ta trankil y lo sigui cumpli cu su trabou diario y cu e acto aki
door di kima su vehiculo ta un empuhe pa OM sigui combati criminalidad den nos
comunidad. Foto facebook
