Page 12 - Awemainta
P. 12
12 AWEMainta Dialuna, 21 December 2015
Rene Herde’
Presupuesto
2015 ta
“On the Dot”
Loke a yama “irealistico” a resulta
exactamente manera a planea!
“ORA A PRESENTA e presupuesto 2015 organonan
di conseho a yama e presupuesto irealistico. Ora a trata e
presupuesto 2015 den reunion publico el a wordo yama
irealistico y un lista di medida contra pueblo.
Awor na fin di aña 2015, Parlamento ta haci su trabou
di controla si Gobierno a ehecuta e presupuesto manera
palabra.
Parlamento a haya conseho y analisis di ehecucion di e
presupuesto di tur e mesun organonan di conseho.
Nos a conclui –e.o. a base di e consehonan y di nos propio
analisis- cu Gobierno a tene su mes n’e presupuesto
manera el a haya aprobacion pe.”
Asina drs. Rene Herde, lider di e fraccion di AVP a bisa
despues di e reunion publico siman pasa pa trata e
presupuesto supletorio di Gobierno pa 2015.
NORMA DI PRESUPUESTO
For di algun aña caba Gobierno y Parlamento ta usa
normanan specifico pa evalua e maneho financiero y e
ehecucion di e presupuesto.
Un di e normanan principal cu ta usa tur rond di
mundo y aki na Aruba tambe, t’e norma di deficit riba
presupuesto.
Esaki t’e suma cu falta pa sera e presupuesto. P’e aña
2015 e presupuesto mester a sera cu un deficit di no
mas cu 3.7%.
Esaki ta loke a fiha den e presupuesto na comienso. Awor
na fin di aña, Parlamento a controla e ehecucion di e
presupuesto y a constata cu e nivel di e dificit na fin di
aña ta manera a propone na comienso: 3.7%.
Rene Herde lider di fraccion di AVP a bisa cu esaki ta
mustra cu e maneho tabata corecto y e presupuesto
tabata realistico.
“Nos ta contento cu Gobierno a logra cumpli cu e norma
cu a wordo fiha na comienso. A bisa na comienso cu e lo
ta 3.7% y na fin nos ta constata cu e ta 3.7%.
E ta ‘on the dot’. Esey ta bon pa confiansa den Gobierno
y e ta bon p’e maneho di reforma di finansa publico.
E caminda pa yega e punto di Presupuesto Balansa pa
prome biaha den historia di nos pais, ta yega mas serca
cu e maneho responsabel y balansa aki cu nos den
Parlamento ta sostene.”
