Page 19 - Awemainta

AWEMainta Diaranson, 2 September 2015 19

Resultado
di promer
rond y paring
pa round 2
di torneo
di ajedrez
“Kiwanis
Palm Beach”

DIAHUEBS siman pasa e promer round di Kiwanis

Palm Beach a start den nos club na Nieuwstraat 11.
Un total di 10 hungador a presenta p’e promer round.
Door di estudio den exterior nos a perde algún
hungador hoben, pero otronan a bini na nan lugar. E
siman aki, nos por spera mas hungador cu no a haya
chens di bini siman pasa.

Na borchi 1, Mark Bueno a enfrenta veterano Alvin
Howell. E hoben Mark a gana e encuentro aki. Borchi
2, Angelo Franken a enfrenta Jose Pesqueira. Jose a
gana. Borchi 3 e promer sorpresa a cay. Women Fide
Master Maria Diaz a enfrenta nos nestor den ajedrez
Enrique Jacopucci. Maria Diaz tabatin e calidad
dilanti, pero a dicidi di duna esaki back, queriendo cu
su peon di mas, lo gana e wega. Enrique a demonstra
cu e final cu solamente 1 peon di mas, ta tabla.
Na borchi 4, debutante p’e weganan di diahuebs
anochi, e hoben Sebastian Torres a enfrenta Octavio
Croes. Octavio no por a logra nada mas cu un tabla.
Un defensa tremendo di e hoben Sebastian.
Y na borchi 5, Randy Tromp a hunga contra Monica
Bremo. Randy a gana.
Despues di promer rond, solamente Mark, Jose
(Chelo) y Randy tin 1punto.

Diahuebs awor tin e siguiente weganan gescheduled.
Jose (Chelo) contra Mark. Octavio contra Randy,
Enrique contra Sebastian,
Alvin contra Maria y Monica contra Angelo.

P’e hungadornan cu no a haya chens di bini siman
pasa, ainda ta posible pa drenta e torneo aki.
Mester presenta na club na diahuebs awor mas laat
cu 08:00 di anochi.