Page 13 - CITGO FLIP 2 SEPT 2017

Minister Mike De Meza Ta Anuncia: Otro Aña Lo

Cuminsa Bora Pa Gas Y Petroleo

 Politica
- 31/08/2017

Tur cos a cuminsa for di 7 aña pasa caba, esta di aña 2010, ora cu a pone e topico aki riba
agenda, pa explora hydrocarbon den nos suela, cu ayudo di Ministerio di Asuntonan
Economico di Hulanda.

“Nos a cana un caminda largo, pero sigur y nos a logra yega asina leu. Awe nos ta para
na e anuncio di e proceso di bora pa explora gas y petroleo den lama”, asina Minister Ing.
Mike de Meza a anuncia recientemente.

E ta corda ainda con na aña 2011, cu Parlamento di Aruba a trata proceduranan pa sigui
hunto cu Gobierno di Hulanda den e trayecto pa pasa leynan y atende cu e agenda pa por
yega na un acuerdo cu un of mas partner.

Na aña 2011, a selecta e participantenan den e “Product Sharing Contract” y a start
negosacion cu Repsol pa exploracion di gas of petroleo.

Na 2012, a firma un MoU cu Energie Beheer Nederland pa consehonan tecnico y
economico, na December a firma “Product Sharing Contract” entre Compania Arubano di
Petreoleo (CAP) y Repsol.