Page 43 - KPA

CARNAVAL B1
Diamars 26 Januari 2016

CPA: Parada di mucha na Noord a cuminsa y caba na ora
ORANJESTAD- E parada
di mucha di Noord a sali
diasabra merdia pa exact-
amente 1:30pm for di veld
di Bubali y a caba na Cen-
tro di Bario Noord. Taba-
tin 7 grupo participando
den e parada cu algo mas
di 300 participante. E
prome grupo a yega final
pa 4:30pm, riba un bon
tempo cu a duna tanto e
participantenan como e
publico banda di caminda
tur oportunidad pa gosa
di e parada di carnaval.
Pa loke ta e envolvimento
di Cuerpo Policial Aruba,
a percura pa alrededor di
60 Polis riba pia. Den esey
mester tene cuenta cu vari-
os ekipo cu a traha hunto
tanto prome, durante como
despues di e parada y ta in-
clui Polisnan trahando riba
e ruta di carnaval mes, como
tambe esunnan pafo di e ruta
pero cu tabata dirigi e op-
eracionnan rond di e evento
carnavalesco.
E ekiponan bisto durante e
parada tabata e Polisnan di
servicio riba caya, e ekipo di
Unidad Mobil, pero tambe e
Recherchenan canando riba
e ruta bisti na civil, Polisnan
di K9, Polisnan riba bicicleta,
e unidad riba brommer y asi-
na por sigui menciona.
Segun datonan di Polis, e
parada a bay sin problema,
pero despues di e parada a
surgi algun situacion cu a
causa cu na final a conta un
cantidad di 9 detencion. Ta
acusa tur e sospechosonan
aki di bringamento riba ca-
minda publico.
Como cu e paradanan den e
ultimo dianan aki ta enfoca
riba mucha, Polis ta haci un
apelacion riba mayornan pa
tira un bista extra riba nan yi-
unan, specialmente pa hunta
nan cu sunblock, suficiente
cos di bebe y earplugs.
Continuacion riba pagina 2

2016

ARUBA DOET 11 & 12 di Maart 2016

E evento boluntario mas grandi na Aruba pa yuda nos organisacionnan social
NOS TA ON pa duna un man! Abo tambe?

Scoge un trabou y registra awo como boluntario riba www.arubadoet.com!

Mayoria di e trabounan di ARUBA DOET ta un mitar dia riba diabierna of diasabra, boluntarionan ta traha hunto bou guia di organisacion social.
Pa mas informacion of yudanza? Yama ARUBA DOET 528-7666 of mail info.arubadoet@gmail.com