Page 2 - AB

12 DEPORTE AWEMainta
D e PO r T e
E evento di 4 dia a termina exitosamente
Aruba Bank Walk & Run Grandi un biaha mas!
DIALUNA, 20 di mei a cuminsa e di 18 edicion di Aruba
Bank Walk & Run, e evento di 4 dia mas grandi den si cate-
goria ariba nos. E evento di e aña aki a kibra su propio
record di participacion durante tur e 4 dianan den e dife-
rente districto riba nos isla.
Un gran cantidad di persona di tur edad a yega Paradera
Drive Thru Center ariba e prome dia di careda y a disfruta di
dushi ambiente y entretenimento di DJ 101 y MC Glennon, e
participante a topa cu otro y cana 5.5km hunto. E evento a
sigui dia 21 di mei na Joe Laveist, San Nicolas unda cu por a
mira un multitud di persona para banda di caminda ta apoya
e participantenan.
E tercer dia a tuma luga na Plaza Deto Varis na Santa Cruz,
un ruta cu tawata un reto pero sigur ta duna e participante
un satisfaccion grandi na ora di termina. E evento ariba e di
4 dia a culmina na Aruba Bank su sucursal di Camacuri. E
participantenan cu a logra cana 4 dia a acumula mas di 20
Diamars, 28 Mei 2024
deporte@awemainta.com
kilometer durante e 4 dianan, y pa e logro grandi aki a ricibi
cada un nan “Finisher’s Coin” un gesto conmemorativo y
tambe simbolo di nan logro.
Un evento yen di ambiente y energia positivo ta loke a
experiencia ariba tur cuatro dia. E ultimo dia a clausura e
evento cu broche di oro cu presentacion di Tsunami y premi-
acion di atletanan cu a destaca. Aruba Bank y Subway a
felicita tur ganado y a gradici tur presente pa nan partici-
pacion y haci di Aruba Bank Walk & Run uno exitoso. Tambe
ta gradici IBiSA pa nan sosten prome y durante e evento,
Cuerpo Policial pa e guia, Rode Kruis, Volunteer Motor Unit,
Patrishi Sports y boluntarionan pa yuda haci e evento aki un
otro exito.
Ganadonan a clasifica por medio di conteo di e tempo total
di tur dia pa asina saca e miho. Despues di e dia final, Aruba
Bank y Subway a haci entrega di premionan na e participan-
tenan cu tabatin e miho tempo di tur 4 dia. >>