Page 25 - ARUBA BANK

Lider di fraccion Marlon Sneek Sugar tax

reemplasa pa deviezenprovisie cu pueblo tog tin

cu bay paga

December 18, 2019
SHARE

Facebook

Twitter

Aruba ta pasando den un desaroyo economico sumamente preocupante y mientras cu gabinete Wever Croes ta

sigui insisti pa trata di convence pueblo cu tur cos ta ‘koek en ei,’ en realidad por mira cada bes e dolor den
comunidad.

Lider di fraccion di AVP, sr Marlon Sneek a mustra cu no solamente den comunidad pero por mira tambe cu

gremionan a cuminsa bin dilanti pa vocifera nan preocupacion grandi pa e situacion cu ta existi na e
momentonan aki den e pais.

“Awe Aruba tin un gobierno caminda nos por a scucha nan ta bisa cu pa ocho aña cu nan tabata den oposicion

nan tabatin e miho plannan, nan tabatin solucion pa tur problema mientras cu awe ni un presupuesto supletorio
no por a wordo entrega ainda na Parlamento.
Faltando un par di dia mas prome cu Pasco, tur cos ta indica cu na Parlamento e trahadonan en todo caso, lo
tin cu bin traha despues di Pascopa motibo cu gobierno no a cumpli cu nan tarea.

Mester bisa cu pa nos cu ta Parlamentario esaki no ta un problema ya cu e ta deber di miembronan di
parlamento pa traha ora cu esaki ta necesario pero trahadonan si awor tin cu bin bek bin traha pa falta di vision
y boluntad di e actual gobierno.