Page 22 - CMB
P. 22
Filtracion masivo di informacion di
datonan di clientenan di banco
26 July, 2018
0
SANTIAGO, Chile- E Hunta di Supervision di Banco y Institucionnan Financiero
(SBIF) di Chile a confirma den un comunicado cu e archivo di datonan di casi 14
mil creditcard a wordo haci publico. Esaki ta creditcardnan cu ta pertenece na
emisoranan local y stranhero. Un situación cu lo por cambia e siguridad
económico di nan respectivo doñonan.
Segun e informacion oficial aki, e difusion a wordo realisa a trabes di un
publicacion riba red social Twitter: “El a wordo haci pa un grupo di
cibercriminalnan cu ta yama nan mes ‘ShadowBrokers’. Nan a publica e number
di carchi, e security code y e fecha cu e ta caduca”, segun e texto ta bisa.
Pa trece calma bek na e poblacion Chileno, SBIF (Hunta di Supervision) a splica
cu “a tuma contacto cu e entidadnan afecta, cualnan a wordo instrui pa tuma e
medidanan pa proteha e clientenan, doñonan di e tarhetanan afecta”. Di mes
manera, e oficinanan dependiente di e Minister di Finanzas a urgi e banconan pa
comunica claramente cu e clientenan afecta pa splica nan e situacion.
