Page 10 - awe06052022_merged
P. 10
Diahuebs 05/05/2022
Hopi susto pa dak di mata di coco cu a pega candela
Diahuebs atardi den careda di 6’or alarma a
wordo bati pa un cas na candela, esaki tawata
pariba di un supermercado na Bubali.
Algun rato despues informacion adicional tawa-
ta bisa cu e dak di e cas ta na candela.
Na yegada bomberonan a haya un dak traha di
mata di coco cu a pega candela.
E dak ta parti di un snack.
Na e sitio nos por a compronde cu bou di e dak
nan lo tawata tin un stoof cendi y esaki cu e bi-
ento lo a pega un parti di e dak
na candela.
Brandweernan a actua rapido
pa evita cu e candela por sigui
expande y pega e cas comple-
to.
E caminda a wordo cera pa
polis pa evita trafico pega ey
dilanti y asina stroba kizas e
bomberonan.
Auto a slip y pega riba palo di luz
Diahuebs atardi polis y ambulance a bay ariba un caminda di tera den
Kibaima, pa un accidente cu hende herida.
Polis tawata esun prome na e sitio y a topa cu un Nissan Cube cu daño
dilanti na su banda robes, mientras na stuur tawata un dama levemente
herida.
Algun rato despues ambulance a yega y a bay atende cu e dama, unda
cu e la wordo controla.
Ta mustra cu e vehiculo a slip y bay dal contra e palo di luz.
Polis di trafico na e sitio a tuma dato. 10
