Page 29 - HOH_Neat

A3
LOCAL Diahuebs 2 Maart 2023

Diferente organisacion y sindicato preocupa pa aumento

di awa y coriente cu a bira permanente

Ayera tardi na Aruba Trading and Industry Associa-
tion (ATIA), hunto cu otro organisacion y sindica-
tonan a haci un conferencia di prensa pa papia to-
cante e aumento di awa y coriente cu a tuma luga seis
luna pasa. E organisacionnan aki a uni pa informa cu
dia 1 di februari ultimo nan a manda un carta pa Go-
bierno di Aruba na unda te ainda nan no a haya un
contesta.

Pa e motibo ey nan a dicidi di haci e conferencia pa asina ey
informa riba diferente hechonan cu ta sosodiendo, e carta
a wordo firma door di AHATA, ATIA, Comerciantenan
Uni y otro como gremio comercial, di e sindicatonan SPA,
SADA, FTA, ABV, SIMAR, STT y OPPA.

Frank Ponson presidente di Comerciantenan Uni a splica
cu nan ta preocupa pa motibo cu comunidad a mira un au-
mento di tarifa substancial pa awa y coriente, el a señala cu
nan a sinta cu minister di Energia Glenbert Croes, director
di Utilities Aruba N.V Anthony Rojer y director di WEB
Alfredo Koolman na unda a bin dilanti cu e aumento cu
supuestamente tabata pa un periodo di seis luna, un periodo
di tempo cu a pasa a caba y cu aworaki no a scucha nada mas
di esaki, “esey pa nos ta hopi preocupante pasobra awor nos
mester sa si e ta bay keda of no, si bo no ta bay bah’e bo tin
cu bin dilanti mustra nos e cifranan di WEB,” Ponson a bisa.

Igualmente el a señala cu e prijs di bari di petroleo no a subi
den e tempo aki pero e prijsnan di Aruba si ta halto, ademas
tin e saving di e boilernan di WEB nan ta puntra con e pri-
jsnan ta sigui halto asina sin cu nan no por haya contesta pa
esey.

Di su parti, Tisa Lasorte a expresa cu prijs di awa a subi cu
26% y prijs di coriente cu 24% lo cual a afecta tur hende y
no solamente ta algo di comercio so, “tur hende na Aruba
ta pagando demas, por ta e hende a repar’e mas na augustus
y na september tabata mas calor y tabatin mas consumo y
awor por ta nos ta pagando un tiki menos awor pero esey no
ta pasobra e tarifanan tabata mas abou, nos mester corda cu
ainda nos ta pagando hopi demas y esey por ta un placa cu
un hende por ta pagando pa un otro necesidad na nan cas,
ora un minister ta bisa bo cu nan ta bay revisa e problema
y duna nos mas informacion y baha e prijsnan back, mester
por kere nan, nan ta nos gobernante pero claramente awor
nan ta demostra cu nos no por kere nan.” Lasorte a sigura.

Shete luna a pasa cu nan a hisa e tarifanan manera el a co-
menta y heavy fuel oil su prijs tambe a baha caba na unda
nan ta pidi pa wak e finanzas di WEB pa asina wak e motibo
di pakico e tarifanan aki mester keda halto pa nos comuni-
dad.

Di banda di e gremionan sindical, Edward Maduro pres-
idente di sindicato SADA a bisa cu nan tambe a sinta cu
minister Croes na unda nan a palabra hunto cune y otro
dirigentenan di companianan estatal cu mester bin cu un
tipo di vangnet social tambe pa esnan cu ora cu ta pasa den
dificultad por yega na fin di luna.

Ivo Valdes di sindicato OPPA a señala cu esaki tambe ta afec-
ta hopi e pensionadonan vooral esnan cu tin solamente un
pension “awor riba dje, awa a subi, coriente a subi y nos tin
cu paga pa nos remedi y esey ta un abuso.”

Diferente carta nan tambe a manda pa gobierno pero tam-
poco nan a haya contesta y nan kier sinta na mesa manera
Valdes a sigura, “e placa cu nan a kita durante dos aña cu ta
50% di nos geleidbedrag di fin di aña, no ta un placa cu ta un
regalo e ta, e ta un debe cu gobierno tin cu pensionadonan,
mi ta kere cu mirando e preocupacion di tur e gremionan
presente mi ta kere cu gobierno mester cuminsa haci algo
si pasobra Aruba a bira caro y nos pensionadonan ta den
pobresa.”
Potretnan di archivo.